عمرڪوٽ ۾ نينگر سان مبينا بدفعلي، وڊيو وائرل، 4جوابدار نامزد، هڪ گرفتار

نينگر جا هٿ پير ٻڌي ساڻس مبينا بدفعلي ڪري وڊيو رڪارڊ ڪرڻ بعد وائرل ڪئي وئي

عمرڪوٽ (رپورٽ:ڪانجي مل رکيسر) عمرڪوٽ شهر جي شو مندر ڀرسان رتن ڀيل پاڙي ۾ هڪ دل ڏاريندڙ واقعو پيش آيو آهي، جتي مبينا طور هڪ معصوم ٻار جا هٿ پير ٻڌي ساڻس زيادتي ڪرڻ بعد وڊيو ٺاهي سوشل ميڊيا تي وائرل ڪئي وئي، واقعي جو ڪيس ٻار جي والد مريد پٽ صاحبو ڀيل جي فرياد تي سٽي ٿاڻي عمرڪوٽ تي داخل ڪيو ويو آهي، جنهن ۾ چار جوابدارن ڀورو ڀيل، رميش ڀيل، ٻڍو ڀيل ۽ ڌنو ڀيل کي نامزد ڪيو ويو آهي، پوليس بروقت ڪاروائيءَ ڪندي هڪ جوابدار ٻڍو ڀيل کي گرفتار ڪري ورتو آهي، جڏهن ته باقي جوابدارن جي گرفتاري لاءِ ٽيمون جوڙي مختلف هنڌن تي ڇاپا هنيا پيا وڃن، صحافين سان ڳالهائيندي ايس ايڇ او سٽي احمد بخش راهـمون چيو آهي ته ٻار سان ٿيل زيادتي ۽ وڊيو وائرل ڪرڻ انتهائي سنگين ڏوهه آهي، پوليس ڪيس داخل ڪري هڪ جوابدار کي حراست ۾ وٺي چڪي آهي، جڏهن ته باقي جوابدارن کي به جلد گرفتار ڪيو ويندو، پوليس موجب واقعي جي وڌيڪَ جاچ جاري آهي ۽ قانون موجب سخت ڪاروائيءَ ڪئي ويندي.