پاکستان ہمارا سچا اور کھرا اتحادی ہے، یہ دوستی قیامت تک قائم رہے گی: ترک صدر

انقرہ (ویب ڈیسک) ترک صدر رجب طیب اردوان نے کہا ہے کہ پاکستان ہمارا سچا اور کھرا اتحادی ملک ہے اور ہماری دوستی قیامت تک قائم رہے گی۔ بحری پلیٹ فارمز کی سروس میں شمولیت کی تقریب سے خطاب کرتے ہوئے رجب طیب اردوان نے کہا کہ آج ہم تمام آزمائشوں کے بعد پی این ایس خیبر پاکستان کے حوالے کر رہے ہیں۔ پاکستان نیوی کی ضروریات پوری کرنے کے لیے چار ملگیم جہازوں کی تعمیر کا معاہدہ کیا گیا تھا۔ انہوں نے کہا کہ پہلا جہاز پی این ایس بابر 24 مئی 2024 کو پاکستان کے حوالے کیا گیا، تیسرا جہاز پی این ایس بدر جون 2026 کے اختتام تک، جبکہ چوتھا جہاز پی این ایس طارق 2027 کے ابتدائی تین ماہ میں پاکستان نیوی کے حوالے کر دیا جائے گا۔ جدید ترین ٹیکنالوجی سے لیس یہ جہاز پاکستان نیوی کو مزید مضبوط بنائیں گے۔