گهوڙا ٻاري ۾ سنڌ جي ثقافت جي ڏهاڙي جي حوالي سان شاندار پروگرام منعقد

مختلف اسڪول جي ٻارن تقريرون ڪيون ۽ ٽيبلوز پيش ڪري خوب داد ماڻيو

ٺٽو (ڊ ر )چيئرمين ٽائون ڪميٽي گهوڙاباري محمد رمضان پنهور طرفان گهوڙاباري شهر ۾ سنڌي ثقافتي ڏهاڙي جو شاندار پروگرام منعقد ڪيو ويو جنهن ۾ مختلف اسڪول جي ٻارن تقريرون ڪيو ۽ ٽيبلوز پيش ڪيا پروگرام ۾ ڊسٽرڪٽ ايجوڪيشن آفيسر ٺٽو نور محمد سرائي خصوصي شرڪت ڪئي انهي موقعي تي اسسٽنٽ ڪمشنر گهوڙاباري فراز احمد عباسي، وائيس چيئرمين ٽائون ڪميٽي گهوڙاباري ممتاز علي شورو، تعلقه ايجوڪيشن آفيسر سائين غلام رسول دل سميت استادن، والدين، سياسي سماجي شخصيتن ۽شهرين وڏي انگ ۾ شرڪت ڪئي پروگرام جي اختتام تي چيئرمين ٽائون ڪميٽي گهوڙاباري طرفان شاگردن جي حوصلا افزائي ڪئي ۽ بهترين ڪارڪردگيء تي کين ٽرافيون۽ مڊل ڏنا ويا.