بحريه يونيورسٽي ڪراچي جي شاگردن جو پاڪستان فشر فوڪ فورم جي مرڪزي آفيس جو دورو

62 views | 16th Dec 2025 • سنڌي خبرون

سيشن دوران ماهيگيري سان لاڳاپيل مختلف اهم موضوعن تي فسرفوڪ اڳواڻ مجيد موٽاڻي تفصيلي بريفنگ ڏني

بحريه يونيورسٽي ڪراچي جي شاگردن جو پاڪستان فشر فوڪ فورم جي مرڪزي آفيس جو دورو

ملير (رپورٽ: عبدالرشيد مورجھريو) بحريه يونيورسٽي ڪراچي جي 40 شاگردن تي ٻڌل وفد پاڪستان فشر فوڪ فورم جي مرڪزي آفيس ابراهيم حيدري پهتو جتي شاگردن لاءِ هڪ معلوماتي سيشن منعقد ڪيو ويو سيشن دوران ماهيگيري سان لاڳاپيل مختلف اهم موضوعن تي فسرفوڪ اڳواڻ مجيد موٽاڻي تفصيلي بريفنگ ڏني جن ۾ سامونڊي پاڻي جي وير آلڙ ۾ ايندڙ تبديليون، هاءِ ٽائيڊ ۽ لو ٽائيڊ جا ڏينهن ۽ رات جا وقت، تمر جي اهميت، قيدي ماهيگيرن جي گرفتاري ۽ سندن گهر ڀاتين جا مسئلا، گڏوگڏ سمنڊ ۾ وڌندڙ گدلاڻ جهڙا موضوع شامل هئا سيشن ۾ شرڪت ڪندڙ شاگردن مختلف سوال پڇيا ۽ ماهرن کان قيمتي ڄاڻ حاصل ڪئي، جنهن سان شاگردن جي ڄاڻ ۾ واڌارو ٿيو ۽ عملي مسئلن کي سمجهڻ جو موقعو مليو۔ان موقعي تي جيوٽيڪ انسٽيٽيوٽ ڪراچي جو عارف خانزادہ پڻ موجود هو، جنهن شاگردن کي لاڳاپيل موضوعن بابت رهنمائي فراهم ڪئي۔ سيشن جي پڄاڻي تي شاگردن اهڙين تعليمي سرگرمين کي ساراهيندي مستقبل ۾ وڌيڪ اهڙن سيشنن جي انعقاد جي خواهش ظاهر ڪئي۔