شڪارپور: پي ايس 9 تي ضمني چونڊ، پ پ اميدوار آغا شهباز دراني کي سرسي حاصل

شڪارپور (احسان ابڙو) پي ايس 9شڪارپور-تي گذريل ڏينھن سنڌ اسيمبلي جي تڪ پي ايس 9 شڪارپور III ۾ ضمني چونڊ لاءِ ووٽنگ شروع ٿي وئي ھئي. هي سيٽ اڳوڻي اسپيڪر سنڌ اسيمبلي آغا سراج خان دراني جي وفات کان پوءِ خالي ٿي هئي. چونڊ ۾ ڪل 8 اميدوار حصو ورتو ، پاڪستان پيپلز پارٽي جي اميدوار آغا شهباز خان دراني ۽ جي يو آءِ (ف) جي اميدوار سيد راشد الله شاهه سميت 9 اميدوار ميدان ۾ لٿل ھيا جن ۾ مقابلي ھيو ھن مھل تائين غير حتمي نتيجن موجب پي پي اميدوار آغا شھباز کي جي يو آء اميدوار رشدالله تي سرسي پڻ حاصل ھئي جڏھن ته تڪ ۾ تفصيلي انگن اکرن موجب، حلقي ۾ رجسٽرڊ ووٽرن جو تعداد 2,77,792 آهي، جن ۾ 1,48,310 مرد ووٽر ۽ 1,29,482 عورت ووٽر شامل آهن. چونڊ عمل لاءِ ڪل 178 پولنگ اسٽيشنون قائم ڪيون ويون آهن، جن ۾ 49 مرد، 49 عورت ۽ 80 گڏيل پولنگ اسٽيشنون شامل ھيون، جڏهن ته 13 امپرووائزڊ پولنگ پوائنٽ پڻ قائم ڪيا ويا آهن. پولنگ اسٽيشنن تي قائم ڪيل ڪل پولنگ بوٿ 638 هوندا، جن ۾ 328 مرد ۽ 310 عورت بوٿ شامل ھيا، سيڪيورٽي جي حوالي سان، حلقي جي 178 پولنگ اسٽيشنن کي ٽن ڪيٽيگريز ۾ ورهايو ويو آهي، جن ۾ 54 انتهائي حساس، 84 حساس ۽ 40 نارمل شامل ھيون انتهائي حساس پولنگ اسٽيشنن تي ڪلوز سرڪٽ ڪئميرا پڻ نصب ڪيا ويندا، جن ذريعي پولنگ اسٽيشنن تائين آمدورفت جي ويجهي نگراني ڪئي ھئي اليڪشن ڊيوٽي لاءِ ڪل 1632 پولنگ اسٽاف کي مقرر ڪيو ويو آهي، جن ۾ 178 پرزائيڊنگ آفيسر، 638 اسسٽنٽ پرزائيڊنگ آفيسر، 638 پولنگ آفيسر ۽ 178 نائب قاصد شامل آهن. انتظامي طور تي، چونڊن لاءِ 01 ڊي آر او، 01 آر او، 02 اي آر او، 01 ڊي ايم او ۽ 02 مانيٽرنگ آفيسر مقرر ڪيا ويا ھيا امن امان ۽ سيڪيورٽي لاءِ ٽي هزار پوليس اهلڪار ۽ ٻه سو رينجرز اهلڪارن ڊيوٽي سرانجام ڏني انتظاميه موجب، چونڊن دوران سيڪيورٽي، پولنگ جي عمل، ووٽرن جي سهولت ۽ نتيجن جي بروقت پهچائڻ کي يقيني بڻائڻ لاءِ جامع قدم کنيا ويا ھيا پي ايس 9 شڪارپور جي حلقي ۾ هي ضمني چونڊ غير معمولي سياسي اهميت جي حامل آهي.