سنڌ جي نامياري صحافي، ليکڪ، محقق ۽ لطيف جي پارکو انور پيرزادي جي ياد ۾ سڀاڻي ميڙاڪو ٿيندو

ملير جي عوامي پريس تي ميڙاڪو رٿيل، سنڌ جا ناليوارا اديب، ليکڪ، دانشور، صحافي ۽ ساڃاهه وند شريڪ ٿيندا

ملير (عبدالرشيد مورجھريو)سنڌ جي نامياري صحافي، ليکڪ، محقق ۽ لطيف جي پارکو انور پيرزادي جي ياد ۾ عوامي ميڙاڪو عوامي پريس ڪلب ملير جي طرفان آچر 18 جنوري تي شام 3 وڳي منعقد ڪيو ويندو ميڙاڪي ۾ سنڌ جا ناليوارا اديب، ليکڪ، دانشور، صحافي ۽ ساڃاهه وندن جي وڏي تعداد ۾ شرڪت ڪندا عوامي پريس ڪلب ملير جي ترجمان موجب انور پيرزادي سنڌي صحافت، ادب ۽ فڪر ۾ انتهائي اهم ڪردار ادا ڪيو. هن پنهنجي لکڻين وسيلي سماجي ناانصافين، قومي مسئلن، ثقافتي سڃاڻپ ۽ شاهه لطيف جي فڪر کي اجاگر ڪيو، جنهن سبب هو سنڌ جي باشعور حلقن ۾ عزت ۽ احترام سان ياد ڪيو وڃي ٿو ميڙاڪي دوران مقررن پاران انور پيرزادي جي صحافتي جدوجهد، علمي خدمتن ۽ لطيفيات تي ڪيل تحقيق تي روشني وڌي ويندي، جڏهن ته سندس شخصيت، فڪر ۽ فني ورثي بابت خيالن جو اظهار پڻ ڪيو ويندو عوامي پريس ڪلب ملير ترجمان طرفان ٻڌايو ويو آهي ته دعوتن جو سلسلو شروع ڪيو ويو آهي ۽ سمورن ساڃاهه وندن، صحافين، اديبن ۽ علم دوست ماڻهن کي اپيل ڪئي وئي آهي ته هو 18 جنوري تي عوامي پريس ڪلب ملير پهچي ميڙاڪي ۾ شرڪت ڪري، انور پيرزادي کي ڀرپور ڀيٽا پيش ڪن