ھڱورجا فوڊ سينيٽر تي رکيل ڪڻڪ جون هزارين ٻوريون خراب ٿيڻ لڳيون

فوڊ سينٽر تي رکيل پنج هزار ڪڻڪ جون ٻوريون انتطامي لاپرواهي سبب خراب ٿيڻ لڳيون

ھڱورجا(رپورٽر)ھڱورجا فوڊ سينيٽر تي خوراڪ کاتي پاران خريد ڪڻڪ 5 ھزار ٻوريون عملدارن جي نا اهلي ۽ ڪڻڪ جي سنڀال ن ٿيڻ سبب خراب ٿيڻ لڳيون حڪومت کي وڏو مالي نقصان رسڻ جو خطرو . جاچ ٿيڻ جي صورت ۾ وڏا انڪشاف ٿيڻ امڪان . خراب ڪڻڪ مان بدبو پکڙجڻ لڳي . علائقي واسين پاران جاچ ڪرائڻ جو مطالبو . تفصيل موجب ھنڱورجا ۾ خوراڪ کاتي پاران قائم فوڊ سينيٽر ۾ آبادگارن کان خريد ڪيل 30 ھزار ٻوريون مان 25 ھزار ٻوريون خوراڪ کاتي پاران نيڪال ڪيون ويون آھن جڏنھن ت باقي رھيل 5 ھزار کن ٻوريون پيل آھن جن جي ٻوريون صحيح نموني سار سنڀال ن لھڻ ڪري ڪڻڪ خراب ٿيڻ لڳي آھي ڪڻڪ جيڪا انسانن جي کائڻ جھڙي ناھي رھي اھا ڪڻڪ زھريلي ٿي وئي آھي خوراڪ کاتي پاران 2024 ن خريد ڪيل ڪڻڪ مان 5 ھزار ٻوريون ۽ ان کان سواءِ 2023 جي 35 سئو ٻوريون ڪڻڪ پڻ جيڪا اڃان تائين نيڪال ن ٿي سگھي آھي جڏنھن ت برساتن دوران ڪڻڪ جي بچائڻ لاء خوراڪ کاتي جي ڪامورن پاران ڪي بي اثرائتا قدم ن کنيا ويا جنھن ڪري ڪڻڪ خراب ٿي آھي علائقي واسين چوڻ آھي ته جيڪڏنھن صحيح نموني معاملي جاچ ٿي ته وڏا انڪشاف ظاھر ٿيندا . ٻي پاسي خوراڪ کاتي پاران سينٽر تي رکيل ڪڻڪ جي 50 ڪلو وزن واري پاچڪن ۾ 10 ۽ 12 ڪلو وزن جا پاچڪا ڀري رکيا ويا آھن ت جئين گم ٿيل ٻورين کي پورائو ڪرڻ لاء ٻورين جو انگ پورو ڪيو وڃي ٿو . ھن سلسلي ۾ ھنڱورجا فوڊ سينٽر جي فوڊ انسپيڪٽر نثار احمد مھر جو چوڻ آھي سال 2023 واري ڪڻڪ بلڪل خراب ٿي آھي جنھن بابت پنھنجي آفيسرن کي کي آگاھ ڪيو آھي ھوڏانھن ڊسٽرڪٽ فوڊ ڪنٽرولر اختر حسين بوزدار رابطو ڪرڻ تي تي ٻڌايو آھي ھنڱورجا فوڊ سينٽر جي جلد وزٽ ڪئي ويندي جيڪا حقيقت ھوندي اھا پڌري ڪندس ۽ جيڪڏنھن خوراڪ کاتي جي عملي جي ڪٿي ب ڪوتاھي ھوندي ت انھن خلاف ب ڪاروائي ٿيندي.