ھزاري وال قوم کي پنھنجي الڳ سڃاڻپ ملي چڪي آھي: ليليٰ سواتي

ڪراچي(رپورٽر)باني ھزارا ڪلچر ڊي تي چيئرپرسن ھزارا موومينٽ پاڪستان ليليٰ سواتي پاڪستان ۽ پرڏيھھ ۾ رھندڙ ھزاري وال قوم کي مبارڪباد پيش ڪئي ۽ چيو تھ جيڪا ھزاري وال قوم جي سڃاڻپ جو سفر ڪاليج لائف کان شروع ڪيو ھو اڄ منھنجو اھو مقصد پورو ٿي ويو آھي ۽ ھزاري وال کي پنھنجي الڳ سڃاڻپ ملي چڪي آھي، ڪيترائي ھزارا جا قابل پٽ ۽ نياڻيون پنھنجي سڃاڻپ مڃرائي چڪا آھن ۽ قوم جي نئين نسل فخر سان پنھنجو پاڻ کي ھزاري وال چوندا آھن ھزارھ کي قدرت خوبصورت نظارن سان گڏ بي پناھھ قدرتي وسيلن سان بھ مالا مال ڪيو آھي، جنھن مان سڄو پاڪستان مستفيض ٿيندو آھي ھر ميدان ۾ ھزاري وال اڳيان اڳيان آھن، جيڪڏھن حڪومت ھزارا تي ڌيان ڏئي تھ انٽرنيشنل معيار جو ٽوئرسٽ ماڳ بھ بڻجي سگھي ٿو، ھن ڏينھن جي مناسبت سان صدر آصف زرداري ۽ وزيراعظم شھباز شريف کي پوري ھزاري وال قوم جي طرفان گذارش ڪئي آھي تھ اسان جي ماڻھن کي انھن جا حق ڏياريو وڃي اسان جي وسيلن عيوض ھزارھ جي ماڻھن کي معياري زندگي، روزگار تعليم ۽ صحت جون سھولتون فراھم ڪيون وڃن جن کان ھزارا جا ماڻھو اڄ تائين محروم آھن ۽ تربيلا ڊيم جي رائلٽي جا حقدار بھ صرف ھزارا جي عوام آھي معدنيات ۽ قميتي ترين ڪاٺي جي مد ۾ بھ ھزارا جو ڪو بھ حصو ناھي ڏنو ويو ھاڻ وقت اچي ويو آھي تھ ھزارھ جي ماڻھن سان انصاف ڪيو وڃي مان آرمي چيف عاصم منير کي اپيل ڪيان ٿي تھ ھزاري وال قوم تي ٿيندڙ ظلن ۽ زيادتي کي ھاڻ بند ڪيو وڃي نھ تھ ھاڻ ھزاري وال جاڳي چڪا آھن.