گلشنِ حديد ۾ استادن لاءِ هڪ ڏينهن جو تربيتي ورڪشاپ

ورڪشاپ بڪين هائوس اسڪول سسٽم اسٽيل ٽائون جي سهڪار سان ٿيو

ملير (رپورٽ: عبدالرشيد مورجھريو) گلشنِ حديد ۾ گرين اسڪول سسٽم ۾ بڪين هائوس اسڪول سسٽم اسٽيل ٽائون برانچ جي سهڪار سان استادن لاءِ هڪ ڏينهن جو تربيتي ورڪشاپ منعقد ڪيو ويو وئي. هن تربيتي پروگرام ۾ بڪين هائوس اسڪول سسٽم اسٽيل ٽائون سان لاڳاپيل نامياري ٽرينر مس نگهت سلمان استادن کي جديد تدريسي مهارتن بابت آگاهي فراهم ڪئي.ورڪشاپ دوران مس نگهت سلمان ذهني يڪسوئي ۽ مثبت خودڪلامي، تعارفي ۽ دلچسپي وڌائيندڙ سرگرميون، ابتدائي تعليم جو فلسفو، ان جا بنيادي اصول، نصاب جي تشڪيل ۽ منصوبا بندي، مونٽيسري طريقيڪار، راند ذريعي سکيا، راندين جون مختلف قسمن ۽ تعليمي جاچ ۽ تشخيص جهڙن اهم موضوعن تي تفصيلي روشني وڌي.هن چيو ته ذهني سڪون، مثبت جملي جو استعمال ۽ ٻارن جي فطري صلاحيتن کي اجاگر ڪرڻ ابتدائي تعليم جي مضبوط بنياد آهي، جيڪا ٻارن جي جذباتي واڌ ويجهه ۽ خوداعتمادي ۾ اهم ڪردار ادا ڪري ٿي. هن وڌيڪ چيو ته راند ذريعي تعليم نه صرف ٻارن لاءِ سکيا کي خوشگوار بڻائي ٿي پر انهن جي همہ جهتي نشونما ۾ پڻ مددگار ثابت ٿئي ٿي.ان موقعي تي گرين اسڪول سسٽم جي ايگزيڪيوٽو ڊائريڪٽر ڊاڪٽر عبدالرحمان جسڪاڻي خطاب ڪندي بڪين هائوس اسڪول سسٽم اسٽيل ٽائون جي سربراهه مس نصرت جوکيو جو خصوصي ٿورا مڃيا، جن جي سهڪار سان هي تربيتي ورڪشاپ ممڪن ٿي. هن چيو ته جديد دور جي گهرجن مطابق استادن جي لڳاتار پيشه ورانه تربيت انتهائي ضروري آهي، ڇاڪاڻ ته تربيت کان سواءِ معياري تعليم جو تصور ممڪن ناهي.تربيتي سيشن دوران استادن ڀرپور دلچسپي ۽ جوش و خروش جو مظاهرو ڪيو ۽ ان عزم جو اظهار ڪيو ته حاصل ڪيل تربيتي مهارتن کي عملي تدريسي عمل ۾ لاڳو ڪيو ويندو .