27هين آئيني ترميم سنڌ جي وجود ۽ صوبائي خودمختياريءَ خلاف سازش آهي: وسند ٿري

279 views | 07th Nov 2025 • سنڌي خبرون

عوامي تحريڪ جي مرڪزي صدر ايڊووڪيٽ وسند ٿري جي ملير ۾ مختلف اڳواڻن ۽ وڪيلن سان ملاقاتون

27هين آئيني ترميم سنڌ جي وجود ۽ صوبائي خودمختياريءَ خلاف سازش آهي: وسند ٿري

ملير (رپورٽ: عبدالرشيد مورجھريو) عوامي تحريڪ جي مرڪزي صدرايڊووڪيٽ وسند ٿري، مرڪزي سيڪريٽري ڪاشف ملاح، ۽ ٻين اڳواڻن ڪراچي، ملير جي مختلف علائقن جو دورو ڪري 16 نومبر تي سنڌياڻي تحريڪ جي اعلانيل "سنڌ جو وجود ۽ وسيلا بچايو مارچ" ۾ شرڪت جي دعوت ڏني۔ اڳواڻن وڪيلن سان ملاقات ڪري 27هين آئيني ترميم، ڪارپوريٽ فارمنگ، ڪئنالن ۽ معدني وسيلن تي ڌاڙن خلاف گڏيل جدوجهد تي زور ڏنو۔وسند ٿري چيو ته 27هين آئيني ترميم سنڌ جي وسيلن ۽ وجود تي سڌو حملو آهي، جيڪو ون يونٽ کان به وڌيڪ خطرناڪ آهي۔ هن چيو ته ايس آئي ايف سي ۽ بورڊ آف انويسٽمينٽ ايڪٽ جهڙا قانون 18هين ترميم ۽ صوبائي خودمختياريءَ کي ختم ڪرڻ جي سازش آهن۔