بن قاسم پوليس جي ڪارروائي، ڪُڪنگ آئل چوري جي ڪوشش ناڪام، 2جوابدار گرفتار

92 views | 05th Nov 2025 • سنڌي خبرون

گرفتار جوابدارن جي سڃاڻپ محسن پٽ رفيق ۽ ساحل پٽ جارج طور ٿي، سندن ساٿي زبير عرف برمڊو فرار ٿي ويو

بن قاسم پوليس جي ڪارروائي، ڪُڪنگ آئل چوري جي ڪوشش ناڪام، 2جوابدار گرفتار

ملير (رپورٽ: عبدالرشيد مورجھريو) بن قاسم پوليس پورٽ قاسم ڀرسان ڪارروائي ڪندي ڪُڪنگ آئل چوري ڪرڻ جي ڪوشش ناڪام بڻائي ڇڏي۔ پوليس جي ڪارروائي دوران ٻه جوابدار محسن ولد رفيق ۽ ساحل ولد جارج کي گرفتار ڪيو ويو، جڏهن تہ آئل چور مافيا جو سرگرم ڪارندو زبير عرف برمڊو واقعي واري هنڌ تان فرار ٿيڻ ۾ ڪامياب ٿي ويو پوليس موجب گرفتار جوابدار پورٽ قاسم مان نڪرندڙ آئل ڪنٽينرز مان پلاسٽڪ جي ڪينن ۾ ڪُڪنگ آئل ڀري رهيا هئا ته بن قاسم پوليس بروقت ڪارروائي ڪندي هڪ هاءِ روف گاڏي، چار ڀريل آئل جا ڪين ۽ 18 خالي پلاسٽڪ جا ڪين هٿ ڪري ٻنهي جوابدارن کي گرفتار ڪيو ابتدائي جاچ ۾ معلوم ٿيو آهي ته جوابدار ڪنٽينرز جي ڊرائيورن سان ملي ڀڳت ڪري آئل چوري ڪري مختلف دڪانن تي وڪرو ڪندا هئا۔ گرفتار جوابدارن خلاف ڪيس داخل ڪيو ويو آهي، جڏهن تہ مفرور جوابدار زبير عرف برمڊو جي گرفتاري لاءِ ڇاپا هنيا پيا وڃن۔