گهگهر ۾ آل زهراڻي جت ويلفيئر آرگنائيزيشن جي گڏجاڻي, آئين ٺاهڻ ۽ برادري کي گڏ ڪرڻ لاءِ ست رڪني ڪميٽي قائم

گڏجاڻي غلام سرور زهراڻي جي صدارت هيٺ ٿي گذري

ملير (عبدالرشيد مورجھريو)آل زهراڻي جت ويلفيئر آرگنائيزيشن جي گڏجاڻي غلام سرور زهراڻي جي صدارت هيٺ گهگهر ۾ ٿي گذري، گڏجاڻي ۾ گهگهر سميت ملير ۾ رهندڙ برادري جي ماڻهن سان درپيش مسئلن جي حل لاءِ ڪوششون وٺڻ لاءِ انجنيئر الاهي بخش، شوڪت علي، حاجي اعظم، حميد گل، نذير احمد، جمشيد زهراڻي ۽ شير خان جت تي مبني ست رڪني ڪميٽي جوڙي وئي، جنهن تي سموري برادري کي هڪ پليٽ فارم تي گڏ ڪرڻ ۽ آئين ٺاهڻ جي ذميواري رکي وئي، ان موقعي تي سرور زهراڻي، عبدالحفيظ، رجب علي، غلام اصغر زهراڻي ۽ ٻين خطاب ڪندي چيو ته سموري برادري کي گڏ ڪرڻ لاءِ هڪ مضبوط پليٽفارم جي اشد ضرورت هئي اسان اميد ٿا ڪريون ته اسان جي هي ننڍڙي ڪوشش لاڀائتي ثابت ٿيندي ۽ اسان جي آرگنائيزيشن نج سماجي هوندي جنهن جو سياست سان ڪو به تعلق نه هوندو، اسان ۾ صحت، تعليم، روزگار ۽ بنيادي سهولتن تي اوليت جي بنياد تي ڪم ڪنداسين، جنهن لاءِ انتهائي ضروري آهي ته هر ماڻهو پنهنجي حصي جو ڪم ايمانداري سان سرانجام ڏئي، جڏهن ته گڏجاڻي ۾ عزيز جت، گلاب خان زهراڻي، واحد بخش، ذوالفقار، اياز حسين، حسن علي، انور مٺل ۽ ٻين وڏي تعداد ۾ شرڪت ڪئي.