عمرڪوٽ ويجھو ڳوٺ ڀٽارو ۾ پ پ جي ضلعي عهديدارن جي مان ۾ آجياڻو

ميگهواڙ برادري پاران ڪامريڊ نندلال ميگھوار ۽ ڪامريڊ اصغر ارباب سومرو کي آجياڻو ڏنو ويو

عمرڪوٽ(رپورٽ:ڪانجي مل رکيسر)عمرڪوٽ ويجھو ڳوٺ ڀٽارو ۾ ميگهواڙ برادري پاران ڪامريڊ نندلال ميگھوار ۽ ڪامريڊ اصغر ارباب سومرو کي پيپلزپارٽي پارٽي جا ضلعي عھديدار چونڊجڻ تي مان آجياڻو منعقد ڪيو ويو. خبر موجب ڳوٺ ڀٽارو ۾ اشوڪ ڪمار ولد مولچند ميگهواڙ ۽ ڪامريڊ هرچند ميگهواڙ پاران ڪامريڊ نندلال ميگھواڙ کي ڊپٽي انفارميشن سيڪريٽري پاڪستان پيپلزپارٽي ضلع عمرڪوٽ ۽ ڪامريڊ اصغر ارباب سومرو کي ڊپٽي جنرل سيڪريٽري پاڪستان پيپلز پارٽي ضلع عمرڪوٽ جو عهدو ملڻ تي آجياڻو ڏنو ويو، ان موقعي تي پيپلزپارٽي جي جھنڊي جو ڪيڪ ڪاٽي ٻنھي اڳواڻن کي سنڌ جي ثقافت تحفي طور ڏني وئي. آجياڻي کي خطاب ڪندي پ پ اڳواڻن چيو تھ پ پ هميشه پاڪستان جي عوام جي حقن جي حفاظت ڪئي آهي ۽ عوام جي خدمت ڪرڻ ۽ انهن جي جائز مسئلن لاءِ جاکوڙي رهي آهي. پ پ سنڌ ۾ رڪارڊ ترقياتي ڪم ڪرايا، ھزارين بيروزگارن کي نوڪريون ڏنيون، صحت جون سھولتون ٻين صوبن جي ڀيٽ ۾ سنڌ ۾ وڌيڪ آھن .ھنن چيو تھ ملڪ جي خوشحالي جمهوريت ۾ آهي، عوام هميشه ڏکي وقت ۾ پ پ جو ساٿ ڏنو آهي، ڪيترائي پ پ خلاف محاذ ٺهيا پر عوام جي طاقت سان ختم ٿي ويا.انھي موقعي تي تقريب ۾ گھنشام داس ميگهواڙ، ٺيڪيدار ريجھو مل ٻاروپاڙ، ڪامريڊ بيکو مل موتياڻي ميگهواڙ ٻيا موجود ھئا.