ملير: عوامي پريس ڪلب ۾ پيپلز اسٽوڊنٽس فيڊريشن جو پروگرام منعقد

ملير (رپورٽ: عبدالرشيد مورجھريو)پاڪستان پيپلز پارٽي جي شاگرد ونگ پيپلز اسٽوڊنٽس فيڊريشن (PSF) ملير ضلعي پاران ڪارڪنن جي سياسي شعور ۽ تربيت لاءِ هڪ اهم اسٽڊي سرڪل پروگرام عوامي پريس ڪلب ملير ۾ منعقد ڪيو ويو، جنهن ۾ نوجوان ڪارڪنن وڏي تعداد ۾ شرڪت ڪئي.ان موقعي تي پي ايس ايف ملير ضلعي جي جنرل سيڪريٽري ماجد ميمڻ خاص ليڪچر ڏيندي چيو ته شهيد ذوالفقار علي ڀٽو پاڪستان ۾ حقيقي عوامي سياست جو بنياد وڌو، جنهن ملڪ کي متحد، منظم ۽ مظبوط ڪيو هن غريب عوام کي سياست جي مرڪز تائين آندو. هن چيو ته پيپلزپارٽي هميشه غريب، مزدور، هاري، ۽ شاگردن جي آواز بڻجي سامهون آئي آهي، ۽ پيپلز اسٽوڊنٽس فيڊريشن پارٽي جي فڪري ۽ نظرياتي جدوجهد ۾ اهم ۽ فعال ڪردار ادا ڪيو آهي ماجد ميمڻ وڌيڪ چيو ته شهيد ڀٽو ۽ شهيد بينظير ڀٽو جا خواب نوجوان ئي مڪمل ڪري سگهن ٿا ۽ هر ڪارڪن جو فرض آهي ته هو پارٽي جي فلسفي، خدمت، ۽ جدوجهد کي تعليمي ادارن ۽ سماج ۾ وڌيڪ مضبوط بڻائي.پروگرام ۾ مختلف مقررن سليم ڏاهري صدام عباسي، ياسر بلوچ پڻ خطاب ڪيو جن چيو ته اسٽڊي سرڪل جو مقصد نوجوانن کي سياسي طور تي باشعور بڻائڻ ۽ پارٽي جي نظريي سان لاڳاپيل رهڻ آهي، جيئن مستقبل ۾ اهي قيادت ۽ تبديلي جا مؤثر نمائندا بڻجي سگهن آخر ۾ شرڪت ڪندڙن شهيد ذوالفقار علي ڀٽو، شهيد محترمه بينظير ڀٽو، ۽ ٻين شهيدن جي مغفرت لاءِ دعا گهري ۽ ملڪ ۾ جمهوريت، امن، ۽ ترقي لاءِ عزم جو اظهار ڪيو پروگرام ۾ پي ايس ايف جا ضلعي ۽ تعلقا عهديدار، ڪارڪن ۽ شاگرد وڏي تعداد ۾ موجود هئا۔