ڏوڪري جي ايگريڪلچر آفيس جي ڊائريڪٽر تي مبينا حملو، آفيس ۾ ڀڃ ڊاھ

آفيس ڀرسان رهندڙ طارق ميراڻي هفتي کان آفيس اندر آبادگارن جا دستاويز پيو لکي: ڊائريڪٽر مجيب مڱريو

ڏوڪري (رپورٽر) ڏوڪري جي ايگريڪلچر آفيسر جي ڊائريڪٽر مٿان حملو، آفيس ۾ ڀڃ ڊاھ، ڏوڪري ايگريڪلچر آفيس ۾ جوابدار ڊائريڪٽر مجيب مڱريو مٿان حملو ڪري آفيس ۾ ڀڃ ڊاھ ڪئي. ان موقعي ڊائريڪٽر مجيب مڱريو ميڊيا سان ڳالهائيندي چيو ته آفيس جي ڀرسان رهندڙ طارق ميراڻي هفتي کان آفيس اندر آبادگارن جا دستاويزن لکي رهيو آهي جنهن کي ٻه ڏينهن اڳ ڊپٽي ڊائريڪٽر عاشق حسين منع ڪندي چيو ته اسان جي اداري طرفان توهان کي لائسنس جاري ناهي ڪيو ويو ان جي ڪري آفيس کان ٻاهر ڪنهن ٻئي هنڌ ويهي ڪم ڪيو آفيس اندر اجازت ناهي. هن چيو ته طارق ميراڻي آفيس ۾ اچي ڌمڪيون ڏيندي چيو ته اسد موريو کي آبادگارن جا دستاويز لکڻ کان منع ڪري آبادگارن کي مون وٽان دستاويز لکڻ لاءِ چيو. هن وڌيڪ چيو ته اسان انڪار ڪندي چيو ته آبادگارن جي مرضي آهي ڪٿان به دستاويز لکرايو جنهن تي طارق ميراڻي مڇرجي حملو ڪري آفيس ۾ ڀڃ ڊاھ ڪئي آهي.