ليبر کاتي جي نئين ڊي جي نذير احمد سومرو جي ڪراچي حيدرآباد ۽ سکر سميت ٻين ريجن جي ريجنل ۽ جوائنٽ ڊائريڪٽرن سان تعارفي ملاقات

ڪراچي (اسٽاف رپورٽر) ليبر کاتي جي ڊائريڪٽر جنرل طرفان ريجنل ۽ جوائنٽ ڊائريڪٽرن سميت ٻين لاڳاپيل عملدارن کي فيڪٽرين ۽ ٻين ادارن ۾ ڪم ڪندڙ پورهيتن جي صحت ۽ ٻين سھولتن سميت سرڪار جي مقرر ڪيل اجوري تي عملدرآمد ڪرائڻ جي ھدايت ڪئي وئي آهي، تفصيل موجب ليبر کاتي ۾ نئين مقرر ٿيل ڊي جي نذير احمد سومرو ڪراچي حيدرآباد ۽ سکر سميت ٻين ريجن جي ريجنل ۽ جوائنٽ ڊائريڪٽرن سان تعارفي ملاقات ۽ ڪارڪردگي بابت اجلاس ڪوٺايو، جنھن ۾ شرڪت ڪندڙ ڊائريڪٽرن پنھنجي پنھنجي ريجن بابت بريفنگ ڏني، ڊي جي ليبر نذير احمد سومرو آفيسرن کي پورهيتن جي ڀلائي لاءِ ھدايت ڪندي ليبر ڪورٽ سميت ٻين عدالتن ۾ ھلندڙ ڪيسن بابت به ڄاڻ ورتي، عملدارن کان سمورن ريجنز ۾ عدالتي ڪيسن، اسڪيمن ۽ فيڪٽرين جي انسپيڪشن بابت رپورٽ پڻ طلب ڪئي ته ڪھڙن ضلعن ۾ پورھئي کاتي جا ڪھڙا ۽ ڪيترا ڪيس ھلي رھيا آھن ۽ ڪيتريون اسڪيمون جاري آھن، اجلاس ۾ ڊي جي چيو تہ رھيل پرپوزل ۽ ايڊوائيز فوري طور ڊي جي آفيس اماڻيون وڃن، فيڪٽرين ۽ دڪانن کي اصولن ۽ قانون تحت رجسٽرڊ ڪيو وڃي، جتان بہ شڪايتون اچن ته مسئلا ٻڌي حل ڪيا وڃن، پينڊنگ ۾ پيل سمورا معاملا حل ڪرڻ جي ڪوشش ڪنداسين، اجلاس ۾ ليبر کاتي جي ڊي جي ڊائريڪٽرن کان ريجن ۾ پيش ايندڙ ڏکائين ۽ آفيس جي ڪاروھنوار ۾ ٿيندڙ مسئلن بابت به پڇا ڪئي، جنھن تي عملدارن کيس آگاھ ڪيو ته فيلڊ توڙي ٻين آفيسرن وٽ کاتي جون پراڻيون گاڏيون ھلي رھيون آھن، جيڪي جلد خراب ٿي پون ٿيون ۽ فيلڊ جو ڪم متاثر ٿئي ٿو....