گورنر خیبرپختونخوا فیصل کنڈی کو تبدیل کیے جانے کا امکان

گورنر خیبرپختونخوا فیصل کریم کنڈی کی تبدیلی پر غور کیا جا رہا ہے، چھ اہم شخصیات نئے گورنر کے لیے زیر غور ہیں، جن میں سیاسی رہنما اور سابق فوجی افسران شامل ہیں۔

ذرائع کے مطابق گورنر خیبرپختونخوا فیصل کریم کنڈی کو تبدیل کیے جانے کا امکان ہے۔ نئے گورنر کے لیے چھ اہم نام زیر غور ہیں، جن میں تین سیاسی شخصیات اور تین سابق فوجی افسران شامل ہیں۔ ذرائع کے مطابق، گورنر کے لیے زیر غور ہونے والے ناموں میں امیر حیدر خان ہوتی، آفتاب شیرپاؤ، پرویز خٹک، اور سابق فوجی افسران لیفٹیننٹ جنرل (ر) خالد ربانی، لیفٹیننٹ جنرل (ر) غیور محمود اور لیفٹیننٹ جنرل (ر) طارق خان شامل ہیں۔ واضح رہے کہ لیفٹیننٹ جنرل (ر) غیور محمود اور لیفٹیننٹ جنرل (ر) طارق خان سابق آئی جی ایف سی رہ چکے ہیں، جبکہ لیفٹیننٹ جنرل (ر) خالد ربانی سابق کور کمانڈر پشاور رہ چکے ہیں۔ یہ تبدیلی گورنر کے عہدے پر سیاسی اور انتظامی اثرات کی روشنی میں زیر غور ہے، اور اس کا فیصلہ جلد متوقع ہے۔