مورو ۾ به شاگردن جو تعليمي بورڊ شهيد بينظيرآباد جي انتظاميه خلاف سراپا احتجاج

بورڊ انتظاميا بااثرن، اثر رسوخ رکندڙن ۽ وڏيرن جي اولاد کان رشوت وٺي کين مارڪون ڏنيون: شاگرد

مورو (جاني جماڻي)شھيد بينظيرآباد تعليمي بورڊ جي نتيجن تي مورو جا شاگرد سراپا احتجاج بڻجي نڪري آيا سخت نعري بازي ڪئي وئي شھيد بينظير تعليمي بورڊ جي سالياني نائين ۽ يارھين ڪلاس جي امتحان جي نتيجن خلاف گورنمينٽ مھراڻ ڊگري ڪاليج بوائز مورو جي شاگردن ريلي جي صورت کي مورو پريس ڪلب اڳيان پھچي احتجاج ڪندي نعري بازي ڪئي. شاگردن شھيد بينظير آباد بورڊ جي جاري ڪيل نتيجن کي قبولڻ کان انڪار ڪندي رزلٽ ٻيھر ري چيڪ ڪرڻ جو مطالبو ڪيو احتجاج ڪندڙ شاگردن عمران نول، سيد عامر شاھ، عدنان ڪلھوڙو، خالد عالماڻي، شاھزيب ميمڻ، عبدالڪريم شاھ ۽ ٻيا ھئا. ھنن چيو تہ شھيد بينظيرآباد جي بورڊ انتظاميا بااثرن، اثر رسوخ رکندڙن ۽ وڏيرن جي اولاد کي رشوت وٺي مارڪون ڏنيون آھن اسان غريب جن محنت ڪئي انھن کي زيرو مارڪون ڏنيون ويون آھن جيڪا سراسر زيادتي ناانصافي ظلم آھي. ھنن بورڊ جي چئيرمين، وڏي وزير سيد مراد علي شاھ، سڪريٽري تعليم سردار شاھ کان نوٽيس وٺڻ جو مطالبو ڪيو تہ ڏنل مارڪن جي ڇنڊ ڇاڻ ڪئي وڃي ۽ اسان جي رزلٽ تي چيڪ ڪرائي وڃي ٻي صورت سخت احتجاج ڪيو ويندو.