ڀرياروڊ ٿاڻي جي حد ۾ پوليس چوڪي تي حملو، 2 اهلڪار شهيد, جنازي نماز ۾ آءِ جي سنڌ غلام نبي ميمڻ ۽ ٻيا شريڪ

views | 12th Nov 2025 • سنڌي خبرون

حملي ۾ جمعدار غلام حسين راڄپر ۽ سعيد سولنگي شهيد، هٿياربند سندن هٿيار به کڻي ويا

ڀرياروڊ ٿاڻي جي حد ۾ پوليس چوڪي تي حملو، 2 اهلڪار شهيد, جنازي نماز ۾ آءِ جي سنڌ غلام نبي ميمڻ ۽ ٻيا شريڪ

نوشهروفيروز (ڊ ر) نوشهروفيروز ضلعي جي ڀرياروڊ ٿاڻي جي حد ۾ پوليس پڪٽ ٽيل شاخ تي نامعلوم هٿياربند پاران فائرنگ ڪري شهيد ڪيل ٻن پوليس اهلڪارن واري واقعي جو گهرو وزير ضياء الحسن لنجار نوٽيس وٺندي ايس ايس پي نوشھروفيروز کان واقعي بابت تفصيل طلب ڪري ورتو آهي جڏهن ته شهيد اهلڪارن جمعدار غلام حسين راڄپر ۽ اهلڪار سعيد سولنگي جي جنازي نماز پوليس هيڊ ڪوارٽر ۾ ادا ڪئي جنهن ۾ آء جي سنڌ غلام نبي ميمڻ ، ڊي آءِ جي شهيد بينظير آباد فيصل بشير ميمڻ، ايس ايس پي نوشھروفيروز روحل خان کوسو ،ضلعي ڪائونسل جي چيئرمين حاجي سهيل اختر عباسي سميت شهيد اهلڪارن جي وارثن وڏي انگ ۾ شرڪت ڪئي جنهن بعد شهيد اهلڪارن جا مڙهه اباڻي ڳوٺ روانا ڪيا ويا هوڏانهن آء جي سنڌ غلام نبي ميمڻ ميڊيا سان ڳالهائيندي چيو آهي ته پوليس اهلڪارن جي شهادت تي افسوس آهي پوليس جتي به ڪم ڪيو آهي اتي ضرور اهڙا واقعا ٿيندا رهندا آهن پر ڏوهاري کي عبرتناڪ سزا ڀوڳڻي پوندي ڪوشش آهي ته پوليس کي سهولتون فراهم ڪيون ته جيئن ڏوهاري ڪارروائين ۾ گهٽتائي اچي سگهي هن چيو ته شهيد اهلڪارن جي وارثن سان سان هن ڏک جي گهڙي ۾ برابر جا شريڪ آهيون جن جي اولاد کي ٻه ٻه نوڪريون ۽ سوا ٽي ڪروڙ جو پيڪيج ڏنو ويندو ۽ سڄي عمر پوري پگهار ڏني ويندي ضلعي اندر بدامني ۾ ڪافي گهٽتائي آئي آهي پر اڃان به ڏوهارين خلاف ڪارروائي جي ضرورت آهي