عمرڪوٽ ۾ ڪڻڪ جي گھڻي مقدار ۾ پوکائي بابت آبادگارن کي ڄاڻ ڏيڻ لاء سيمينار منعقد

عمرڪوٽ ۽ ڀرپاسي وارن علائقن ۾ ڪڻڪ جي پيداوار امڪان کان گهٽ آهي: عبدالصمد ابڙو ۽ ٻين جو خطاب

عمرڪوٽ(رپورٽ:ڪانجي مل رکيسر) عمرڪوٽ ۾ ڪڻڪ جي گھڻي مقدار ۾ پوکائي بابت آبادگارن کي ڄاڻ فراھم ڪرڻ لاء آگاھي سيمينار ڪوٺايو ويو، آبادگارن ۽ سماجي حلقن جي وڏي انگ ۾ شرڪت خبر موجب عمرڪوٽ ضلعي جي چئن ئي تعلقن ڪنري، سامارو، پٿورو ۽ عمرڪوٽ سان لاڳاپيل آبادگارن کي گھڻي مقدار ۽ اپت ۾ ڪڻڪ جي پوکائي ڪرڻ بابت جديد زرعي ڄاڻ فراھم ڪرڻ جي حوالي سان فاطمه فرٽيلائزر ڪمپني طرفان مقامي ھال ۾ سيمينار ڪوٺايو ويو جنھن ۾ فاطمه فرٽيلائزر ڪمپني جي ڊولپمينٽ مينيجر سنڌ بلوچستان عبدالصمد ابڙو، ٽيڪنيڪل سروسز آفيسر ميرپورخاص اياز محمود ۽ ڊسٽرڪٽ سيلز مينيجر ميرپورخاص ڪيلاش ڪمار، آبادگارن راڻا رميز، حاجي انور سومرو، حاجي ڪريم بخش چاچڙ، مختيار لاشاري سميت ضلعي جي مختلف علائقن جي ٻين آبادگارن شرڪت ڪئي جڏھن ته سيمينار دوران زرعي ماهرن خطاب ڪندي چيو ته عمرڪوٽ ۽ ڀرپاسي وارن علائقن ۾ ڪڻڪ جي پيداوار امڪان کان گهٽ آهي، جيڪا جديد زرعي طريقن، وقت سر آبپاشي ۽ معياري ڀاڻن جي استعمال سان وڌائي سگهجي ٿي ماهرن ٻڌايو ته سرسبز نائيٽروفاس، سرسبز ڪين ۽ پاڪ عرب ڪين جهڙيون ڀاڻون فصل جي غذائي ضرورتن کي پورو ڪن ٿيون ۽ انهن جي استعمال سان ڪڻڪ جي پيداوار ۾ 10 سيڪڙو کان وڌيڪَ واڌ ٿي سگهي ٿي سيمينار ۾ آبادگارن کي عملي ڄاڻ، فصل جي سنڀال بابت رهنمائي ۽ نئين زرعي ٽيڪنالاجي بابت تفصيل سان آگاهي ڏني ويئي، آبادگارن فاطمه فرٽيلائزر ڪمپني جي اهڙي ڪوشش کي ساراهيو ۽ چيو ته اهڙن سيمينارن سان نه رڳو ڄاڻ وڌندي، پر علائقي ۾ زرعي ترقي ۽ خوشحالي به ايندي