ٿرپارڪر اينگرو ڪول مائنز ۽ ٽينگ انٽرنيشنل واءِ ايل آر وي سي پاران معاهدي تي صحيحون

معاهدن جو مقصد تعليم، مهارت جي ترقي ۽ عالمي تعاون کي هٿي وٺرائڻ آهي: عامر اقبال ۽ ٻيا

ڪراچي (اسٽاف رپورٽر) ٿرپارڪر ۾ يونان لينڊ اينڊ ريسورسز ووڪيشنل ڪاليج (YLRVC) سان ڀائيواري ۾ اينگرو ڪول مائنز (ٿر فائونڊيشن) ۽ ٽينگ انٽرنيشنل جي وچ ۾ هڪ تاريخي مفاهمت جي يادداشت تي صحيحون ڪيون ويون. معاهدن جو مقصد تعليم، مهارت جي ترقي ۽ عالمي تعاون کي فروغ ڏيڻ آهي، جيڪو پاڪستان ۾ تبديلي جي موقعن لاءِ رستو هموار ڪندو. معاهدي جي دستخط جي تقريب سنڌ اينگرو ڪول مائن ڪارپوريشن ۾ منعقد ڪئي وئي ۽ ان ۾ عامر اقبال (سي اي او، اينگرو)، فرحان انصاري (صدر، ٿر فائونڊيشن)، محمود اختر چيما (چيئرمين، IUCN)، ڊاڪٽر طحه حسين علي (وي سي، MUET)، ڊاڪٽر مهيش ملاني، سرڪاري عملدار ۽ تعليمي ۽ صنعت جي ٻين اهم شخصيتن شرڪت ڪئي. اسٽيڪ هولڊرز هن قدم کي ٿر ۽ پاڪستان لاءِ هڪ موڙ قرار ڏنو، جيڪو جدت، ترقي ۽ برادري کي بااختيار بڻائڻ لاءِ نوان رستا پيدا ڪندو.