ابراهيم حيدري واسين جي ٻيڙي ٻڏي وئي، هڪ مهاڻو فوت، ٽن کي بچايو ويو

ساٿي مهاڻن علي اصغر عابد ۽ قدير کي بچائي ورتو، سومار پٽ بجار ٻڏي فوت ٿي ويو

ملير(رپورٽ: عبدالرشيد مورجھريو) ابراهيم حيدري جي ماهيگيرن جي ٻيڙي کليل سمنڊ جي کڏي ڪريڪ لڳ ڀ اونڌي ٿي ٻڏي ويئي جنهن جي نتيجي ۾ ابراهيم حيدري واسي هڪ ماهيگير سومار ولد بجار ٻڏي فوت ٿي ويو جڏهن تہ ٽن ٻين ماهيگيرن علي اصغر، عابد ئ قدير کي بچايو ويو آهي ٻيڙي حادثي سبب ماهيگيرن جي گهرن ۾ روڄ راڙو مچي ويو. فشرمين ڪوآپريٽو سوسائٽي جي چيئرپرسن فاطمه مجيد واقعي جي تصديق ڪندي چيو ته حادثي جو شڪار ٻيڙي ننڍڙي هئي. هن فوت ٿيل جي وارثن سان تعزيت ڪندي زور ڀريو ته سمنڊ اندر اهڙن حادثن بعد فوتي ماهيگيرن جي ڪٽنبن جي مالي مدد ۽ واهر ڪرڻ ضروري آهي ساڳئي وقت سماجي اڳواڻ يونس خاصخيلي پڻ تصديق ڪئي ته ٽي ماهيگير بچي ويا، پر هڪ بدقسمتي سان بچي نه سگهيو.