جھمپير جي صحافي جي ڀاءُ جي گهر مان لکين رپين جي چوري

85 views | 04th Sep 2025 • سنڌي خبرون

اڻڄاتل چور صحافي عالم چند جي ڀاءُ ويرو مل جو گهر ٻهاري ويا

جھمپير جي صحافي جي ڀاءُ جي گهر مان لکين رپين جي چوري

ٺٽو( ڊر)جھمپير شھر جي صحافي ديوان عالم چند جي ڀاء ويرو مل جي جھمپير شھر واري گھر ۾ گذريل رات دير سان ڪن نامعلوم چورن پاران داخل ٿي گھر ۾ رکيل اڌ ڪلو چاندي ۽ 10 ھزار روپيہ ڪيش رقم کڻي فرار ٿي ويا، جنھن جي رپورٽ جھمپير ٿاڻي تي درج ڪرائي ويئي اھي، پر پوليس اڃان تائين ڪابہ ڪاروائي ڪري ناھي سگھي، بئي طرف ساڳئي رات ڳاڙھي شھر جي النوراني مسجد جي متولي مدرسي جي باني رٽائرڊ پوليس ڪانسٽيبل فقير عيسيٰ خان جي گھر ۾ پڻ نامعلوم ھٿياربند ڦورو ھٿيارن جي زور تي گھر ۾ داخل ٿي گھر ڀاتين کي يرغمال بنائي مٿن سخت تشدد ڪرڻ بعد کانئن ھزارين روپيہ روڪ رقم، موبائل فونون ۽ قيمتي سامان ڦر ڪري فرار ٿي ويا، جنھن جي پڻ ڳاڙھي ٿاڻي تي رپورٽ درج ڪرائڻ باوجود پوليس ڪابہ ڪاروائي ڪري ناھي سگھي، ڦرجي ويلن ايس ايس پي ٺٽو کان مطالبو ڪيو آھي تہ کانئن ڦر ڪيل رقم توڙي چوري ٿيل سامان واپس ڪرائي ڏوھارين خلاف سخت ڪاروائي ڪري عوام کي تحفظ مھيا ڪيو وڃي.