ٺٽو وايا جھمپير، براد آباد روڊ به ويران ٿيڻ ڪري عوام جو ڦرجڻ روز جو معمول بڻيل

ٺٽو(ڊر) ٺٽو وايا جھمپير، براد آباد روڊ بہ ويران ٿيڻ ڪري عوام ڦرجڻ روز جو معمول بڻيل، ان سلسلي ۾ گذريل رات ٺٽو وايا جھمپير، براد آباد روڊ تي براداباد ويجھو چئن نامعلوم موٽر سائيڪل سوار ھٿياربند ڦورن ھٿيارن جي زور تي ايندڙ ويندڙ ڪيترن ئي موٽر سائيڪل سوار ماڻھن کان لکين روپيہ روڪ رقم، قيمتي موبائل فونون ۽ ٻيو قيمتي سامان ڦر ڪري فرار ٿي ويا، ڦرجي ويلن ۾ ڀري شيدي موري جي ڳوٺ رئيس حاجي حيات جو رھواسي نجم رئيس، اپي رئيس، پيربخش خاصخيلي ۽ ٻيا شامل آھن جن پاران حد جي پوليس کي اطلاع ڪرڻ باوجود پوليس ڪابہ ڪاروائي ڪري ناھي سگھي، ٻئي طرف ڦرجي ويل ڀري شيدي موري جي ڳوٺ رئيس حاجي حيات جي رھواسي نوجوان نجم رئيس ٺٽي پھچي صحافين کي ٻڌايو تہ ھو تازو پيل برساتن ۽ سنڌو درياء ۾ ايندڙ امڪاني ٻوڏ کي نظر ۾ رکندي براد اباد ويجھو ڪوھستاني پٽي ۾ مال جي چاري سانگي اچي رھائش اختيار ڪئي اھي، آء روزانو شام جو کير کڻي ٺٽي ايندو آھيان، اھو ٺٽي شھر ۾ ڏيئي آء ۽ اپي رئيس جيئن ئي براد اباد ويجھو لنڪ روڊ تي پھتاسين تہ چئن نامعلوم ٻٽ ٻڌل ھٿياربند ڦورن ھٿيارن جي زور تي روڊ بند ڪري اسانکي يرغمال بنائي اسان کان 34 ھزار روپيہ کير جا ڦرڻ ڪرڻ سميت پيربخش خاصخيلي سميت گجڻن ۽ بين ايندڙ ويندڙ ماڻھن کان لکين روپيہ روڪ رقم، موبائل فونون ڦر ڪري آساني سان فرار ٿي ويا، ھن ايس ايس پي ٺٽو کان مطالبو ڪيو تہ ساڻن انصاف ڪري کانئن ڦر ڪيل رقم واپس ڪرائي ڏوھارين خلاف سخت ڪاروئي ڪري کين تحفظ مھيا ڪيو وڃي.