جسقم ملير پاران امن امان جي خراب صورتحال خلاف احتجاجي ريلي ۽ ڌرڻو

ريلي جي اڳواڻي مختيار سومرو، مرتضيٰ جوڻيجو، حفيظ سنڌي، صابر حمايتي، اسامه ڪيهر ۽ ٻين ڪئي

ملير (رپورٽ: عبدالرشيد مورجھريو) ضلعي مليرسميت سڄي سنڌ ۾ وڌندڙ ڏوهن، لٽ مار ۽ امن امان جي خراب ٿيندڙ صورتحال خلاف جيئي سنڌ قومي محاذ (جسقم) جي سڏ تي رزاق آباد جي مک چوڪ کان احتجاجي ريلي ڪڍي وئي جيڪا عوامي پريس ڪلب ملير اڳيان ڌرڻي ۾ تبديل ٿي ريلي جي اڳواڻي جسقم اڳواڻ مختيار سومرو، مرتضيٰ جوڻيجو، حفيظ سنڌي، صابر حمايتي، اسامه ڪيهر، سعيد مري ۽ ايوب پهنور ڪري رهيا هئا ريلي ۾ جسقم ڪارڪنن سان گڏ وڏي تعداد ۾ شهرين به شرڪت ڪئي احتجاج ۾ شرڪت ڪندڙن جي هٿن ۾ بينر ۽ پلي ڪارڊ هئا، جن تي ڪشمور م مٺل سبزوئي جا قال گرفتار ڪريو سنڌ م امن بحال ڪيو، ڏوهارين کي گرفتار ڪريو، شهرين کي تحفظ ڏيو جا نعرا لکيل هئا مظاهري ۾ شرڪت ڪندڙ ڪندي ملير کان ڪشمور تائين سنڌ ۾ امن امان جي بحالي جو مطالبو ڪندا رهيا.ان موقعي تي جسقم اڳواڻ مختيار سومرو ۽ ٻين ڪارڪنن خطاب ڪندي چيو ته ضلعي ملير سميت سڄي سنڌ ۾ ڌاڙا، اغوا، لٽ مار ۽ منشيات جي وڌندڙ ڪاروبار سبب ماڻهو سخت پريشان آهن، جڏهن ته حڪومت ۽ لاڳاپيل ادارا مڪمل طور تي ناڪام ٿي ويا آهن. روز بروز ڏوهن ۾ اضافو ٿي رهيو آهي پر ڏوهارين خلاف ڪو به اثرائتو قدم نه کنيو پيو وڃي. هنن مطالبو ڪيو ته ڏوهارين کي فوري گرفتار ڪري قانون جي ڪٽهري ۾ آندو وڃي.مظاهري ۾ مطالبو ڪيو ويو ته ڪشمور ۾ جسقم جي صدر ويلڏنو سبزوئي جي ڀاءُ مٺل سبزوئي کي ڦر دوران مزاحمت تي قتل ڪندڙ ڏوهارين کي گرفتار ڪيو وڃي. ساڳي وقت ملير جي عارب پهنور ڳوٺ ۾ ايوب پهنور ۽ غلام نبي پهنور کان موٽر سائيڪل، نقد رقم ۽ موبائل فون ڦر ڪندڙ ڏوهارين خلاف به فوري ڪارروائي ڪئي وڃي.