ملير مان گم ٿيل عورت هٿ اچي وئي، سخت ذهني دٻاءُ جو شڪار

نبيلا ابڙو 7 جون کان گم هئي، سندس مڙس جمشيد ٻارڙن سميت احتجاج ڪيو هو

ملير (رپورٽ: عبدالرشيد مورجھريو) رزاق آباد، ملير جي رهائشي ٽن معصوم ٻارن جي ماءُ نبيلا ابڙو کي عوامي پريس ڪلب ملير جي ميڊيا ادارن ۾ خبرون شايع ۽ نشر ٿيڻ کان پوءِ ملير انتظاميه ۽ پوليس فوري نوٽيس وٺندي ايڌي سينٽر مان هٿ ڪرائي ورتو عورت سخت خوف ۽ ذهني دٻاءُ هيٺ هئي ۽ ڪجهه به ٻڌائڻ کان قاصر رهي نبيلا ابڙو 7 جون کان لاپتہ ٿي هئي عورت جي مڙس جمشيد ابڙو پنهنجي زال جي ڳولا ۾ دربدر ڀٽڪندو رهيو هن ٻڌايو ته ڪيترن ڏينهن جي ڪوششن باوجود ڪٿان به ڪا به خبر نه ملي.پر، گذريل ڏينهن عوامي پريس ڪلب ملير ۾ پريس ڪانفرنس جي خبرن شايع ٿيڻ کان پوءِ شاه لطيف ٽائون ٿاڻي ۽ ملير انتظاميه نوٽيس وٺي ڳولا جو عمل تيز ڪيو. تحقيقات دوران معلوم ٿيو ته نبيلا ابڙو کي ايڌي سينٽر ۾ لاوارث طور رکيو ويو هو بعد ۾ پوليس ڪارروائي ڪندي عورت کي اتي کان واپس آندو ۽ انهن جي مڙس جي حوالي ڪيو مڙس جمشيد ابڙو عوامي پريس ڪلب ملير جي صحافين ۽ انتظاميه جو ٿورو مڃيندي چيو ته ميڊيا جي بروقت خبرن سبب منهنجي زال جي زندگي بچي وئي. هن چيو ته جيڪڏهن ميڊيا پنهنجو ڪردار ادا نه ڪري ها ته شايد مان ڪڏهن به پنهنجي زال کي نه ڳولي سگهان ها پوليس موجب نبيلا ابڙو کي قانوني ڪارروائي ۽ ضروري بيان لاءِ ملير ڪورٽ ۾ پيش ڪيو ويندو جيئن انهن جي لاپتہ ٿيڻ جا سبب جانچي سگهجن.