نئون ديرو ويجهو ڳوٺ حسن واهڻ ۾ ناري سان مبينا زيادتي جي ڪوشش

بااثر اصغر مڱڻيجو گهر ۾ گهڙي زيادتي جي ڪوشش ڪئي، رڙين تي تشدد جو نشانو بڻايو: شڪيلا مڱڻيجو

نئون ديرو(رپورٽر) نئون ديرو لڳ ڳوٺ حسن واهڻ واسي پورهيت سرتاج مڱڻيجو پنهنجي زال شڪيلا، امڙ تسليم خاتون ۽ پڦي نوران ۽ ٻارڙن سان گڏجي پوليس ۽ بااثر مائٽ جي زيادتي خلاف احتجاج ڪيو شڪيلا مڱڻيجو جو چوڻ هو ته پاڙي جي بااثر جوابدار اصغر مڱڻيجو زبردستي رات جي اونداهيءَ گهر ۾ گهڙي منهنجي عزت ۾ هٿ وڌا، منهنجي دانهن تي هن منهنجي مٿان هٿيار سڌو ڪري خاموش رهڻ جون ڌمڪيون ڏنيون ۽ تشدد جو نشانو بڻائي فرار ٿي ويو، ناري جي مڙس سرتاج مڱڻيجو دانهيندي چيو ته جوابدار اصغر جي گندي حرڪت خلاف نئون ديرو ٿاڻي تي اين سي داخل ڪرائي پر پوليس جوابدار ڌر سان ٻٽ بڻجي انهن خلاف ڪا به ڪاروائي نٿي ڪري ۽ ايس ايس پي جي ڏنل حڪم کي ايس ايڇ او نئون ديرو پٺي ڏئي ڇڏي آهي ۽ اسان کي جوابدار ڌر سان ٺاهه لاءِ دٻاءُ وجهي رهيو آهي آءِ جي سنڌ، ڊي آءِ جي لاڙڪاڻو ۽ ايس ايس پي لاڙڪاڻو مامري جو نوٽيس وٺي جوابدار کي گرفتار ڪري انصاف ڪيو وڃي.