ملير ۾ سرڪاري ملازمن طرفان پينشن ۾ ڪٽوتي ۽ ڊي آر اي نه ملڻ خلاف ريلي ۽ ڌرڻو

تعليم کاتي سميت مختلف کاتن جي ملازمن ريلي ڪڍي پپري قومي شاهراهه تي ڌرڻو هنيو، نعريبازي

ملير (رپورٽ: عبدالرشيد مورجھريو)سرڪاري ملازمن طرفان پينشن ۾ ڪٽوتي ۽ ڊي آر اي نه ڏيڻ خلاف پپري قومي شاهراهه تي احتجاجي مظاهرو ڪري ڌرڻو هنيو ويو. احتجاجي ملازمن ٻانهن تي ڪاريون پٽيون ٻڌيون ۽ حڪومتي پاليسين خلاف سخت نعريبازي ڪئي.ملازم ڌرڻي دوران اڀ ڏاريندڙ نعرا ه هڻي مطالبو ڪري رهيا هئا ته ملازمن جو معاشي قتل عام بند ڪيو، پينشن ۽ ڊي آر اي بحال ڪيو، ملازمن سان ناانصافي بند ڪئي وڃي احتجاج ڪندڙن جو چوڻ هو ته سنڌ حڪومت سرڪاري ملازمن جي پينشن ۽ ڊي ايڇ آر اي الائونس هڙپ ڪرڻ چاهي ٿي، جيڪو بلڪل برداشت نه ڪيو ويندو. اڳواڻن جو وڌيڪ چوڻ هو ته جيڪڏهن حڪومت پنهنجا معاشي فيصلن تي ٻيهر نظرثاني نه ڪئي ته احتجاج جو سلسلو وڌيڪ سخت ڪيو ويندو ۽ سڄي صوبي ۾ ڌرڻا وڌايا ويندا ڌرڻي سبب قومي شاهراهه تي ٽريفڪ جو نظام درهم برهم ٿي ويو، گاڏين جي ڊگهيون قطارون لڳي ويون ۽ مسافر ڪافي دير تائين پريشان رهيا