گهوٽڪي: هٿياربندن جي فائرنگ ۾ کيرو وڪرو ڪندڙ 3 پورهيت قتل، لاش رکي ڌرڻو

گهوٽڪي (ڊ ر) گهوٽڪي جي لانگهو واري علائقي ۾ هٿياربندن جي فائرنگ ۾ پنهور برادري سان تعلق رکندڙ کير وڪري لاءِ کڻي ويندار محمد ايوب پنهور، راڻا خان پنهور ۽ محمد اسلم پنهور مارجي ويا، هٿياربندن جي فائرنگ ۾ اياز احمد ۽ اربيلو پنهور زخمي ٿي پيا، جن کي اوٻاوڙو اسپتال منتقل ڪرڻ بعد رحيم يار خان منتقل ڪيو ويو، واقعي بعد علائقي ۾ خوف حراس پکڙجي ويو، ٽنهي مقتولن جي جنازي نماز اباڻي ڳوٺ لانگهو ۾ ادا ڪئي وئي جنهن ۾ سوين ماڻهن شرڪت ڪئي، پنهور برادري ۽ مقتولن جي وارثن پاران اوٻاوڙو قومي شاهراهه تي لاش رکي هنيو ويو، جنهن سبب سنڌ ۽ پنجاب ڏانهن ايندڙ ويندڙ مسافر گاڏين جون قطارون لڳي ويون، ڌرڻي جي ٻن ڪلاڪن کانپوءِ ڊي ايس پي عبدالقادر سومرو مظاهرين وٽ پهچي قاتلن جي گرفتاري جي خاطري تي ڌرڻو ختم ڪرائي ڇڏيو.