شڪارپور ۾ پيرسن عورت جو زمين تي مبينا قبضي خلاف احتجاج

باجن سيٺار فوتي مڙس جي نالي ٿيل زمينن تي قبضو ڪري ورتو آهي: هدايت خاتون سيٺار

شڪارپور (احسان ابڙو) شڪارپور جي کي غلام شاهہ ويجهو چڪ ۾ زمينن تي مبينا قبضو، پيرسن عورت جو انصاف لاءِ احتجاج چڪ ويجهو باجن سيٺار طرفان فوتي مڙس جي نالي ٿيل زمينن تي قبضو ۽ ڪوڙا کاتا ٺهرائي ڇڏيا بيوھ عورت جو احتجاج تفصيل موجب لکي غلام شاهہ ويجهو چڪ جي رھواسڻ پيرسن عورت هدايت خاتون سيٺار ۽ غفور سيٺار ميڊيا آڏو دانهيندي چيو آهي ته باجن سيٺار انهن جي فوتي مڙس جي نالي ٿيل زمينن تي قبضو ڪري ڪوڙا کاتا ٺهرائي وڪرو ڪري رهيو آهي.انهن الزام هنيو ته باجن سيٺار هاڻي باقي بچيل زمين تي به قبضي جي ڪوشش ڪري رهيو آهي ۽ کين ڌمڪيون ڏئي رهيو آهي. احتجاج ڪندڙن قبضي خور کي پٽون ۽ پاراتا ڏيئي احتجاج ڪيو.هنن وس وارن کان مطالبو ڪيو ته قبضو ختم ڪرائي زمينون واپس ڪرائي ڏنيون وڃن ۽ جوابدارن خلاف قانوني ڪارروائي ڪئي وڃي