نوشهروفيروز ۾ سنڌ ايمپلائيز الائينس جي سڏ تي اسپتال، اسڪولن ۽ آفيسن جي تالابندي

پينشن اسان ملازمن جي چادر آهي جنهن اسان ڪٽوتي ڪنهن به صورت ۾ برداشت نه ڪنداسين: ڊاڪٽرز

نوشهروفيروز (ڊ ر) سنڌ ايمپلائيز الائنس جي سڏ تي مختلف کاتن جي ملازمن آفيسن جي تالا بندي ڪري احتجاج ڪيو۔ احتجاج جي اڳواڻي مبين راجپوت ايم ايس سول اسپتال نوشھرو فيروز۔ ڊاڪٽر عبدالفتاح راڄپر، ڊاڪٽر بدر الدين ابڙو، زین العابین راجپر، حزب اللہ۔ عبدالستار پٺاڻ، مظهر راڄپر، آفتاب مورو پريل ڪاڪيپوٽو ۔معشوق وڳڻ ۽ ٻيا ڪري رهيا هئا مظاهرين ملازمن حقن جي حاصلات لاءِ نعري بازي پڻ ڪئي ان موقعي تي اڳواڻن چيو ته پينشن اسان ملازمن جي چادر آهي جنهن اسان ڪٽوتي ڪنهن به صورت ۾ برداشت نه ڪنداسين اسان سرڪار جا ملازم آهيون ڪنهن فيڪٽري جا ملازم ناهيون جو اسان کي ڀت سان لڳائڻ جي ناڪام ڪوشش ڪئي پئي وڃي هنن چيو ته ڊي آر اي الائونس، گروپ انشورنس ملازمن جي حقن ۾ شمار آهي جيڪو ٻين صوبن ۾ ملازم کڻي رهيا آهن سنڌ صوبي جي ملازمن سان ئي ماٽيلي ماءُ وارو سلوڪ ڪيو پيو وڃي هنن وڌيڪ چيو ته پ پ چيئرمين بلاول ڀٽو زرداري کان به سنڌ جو وڏو وزير ڏاڍو ٿي ويو آهي جنهن جي اعلان تي عمل نه ٿو جيڪو پيپلزپارٽي سان سچو ناهي اسان جا جائز مطالبا تسليم نه ڪيا ويا ته بلاول هائوس ڪراچي جي اڳيان ڌما ڌم مست قلندر ٿيندي ۽ سموري سنڌ جو عوام روڊن تي ھوندو ھنن حڪمرانن جي وس جي ڳالھ نه آھي جي عوام سان منھن ڏئي سگھي۔پنھنجا حق وٺي پوءِ رستا ۽ ڪراچي خالي ڪنداسين مطالبن جي مڃتا تائي احتجاج جاري رھندو جيڪو تاتيخ جو وڏي ۾ وڏو احتجاج ھوندو۔