جهمپير ۾ ايس ٽي پي پاران گٽرن جو پاڻي ڪينجهر ۾ ڇوڙ ٿيڻ خلاف احتجاج

ڪامريڊ حيدر شورو، اڪبر شورو، لال حسین مري، رحمان باغي پالاري ۽ ٻين احتجاج ڪيو

ٺٽو( شفيق ڀٽي) ترقي پسند پارٽي يونٽ جھمپير طرفان جھمپير شھر جي ڊرينج سسٽم جي گٽرن جو گندو پاڻي ڪينجهر ڍنڍ ۾ ڇوڙ ٿيڻ خلاف ھڪ احتجاجي مظاھرو جھمپير شهر ۾ ترقي پسند پارٽي ضلعي ٺٽي جي اڳواڻن ناٿو خان بروهي، جميل سمون، ستاف اڳواڻ ڪامريڊ حيدر شورو، ترقي پسند پارٽي تعلقي ٺٽي جي اڳواڻ اڪبر شورو، لال حسین مري، رحمان باغي پالاري، نديم چانگ، ذوهيب مري جي اڳواڻي ۾ ڪري جھمپير چوڪ تي پھچي خطاب ڪندي اڳواڻن چيو تہ ڪافي وقت کان وٺي پبلڪ ھيلٿ کاتي جي نااھلي سبب جھمپير شھر جو ڊرينج سسٽم ناڪارہ بڻيل اھي، جنھن جي گٽرن جو گندو پاڻي متبادل رستي ٻاھر ڪڍڻ بجاء ان جو ڇوڙ ڪينجھر ڍنڍ ۾ ڪيو پيو وڃي، جيڪو پاڻي ڪراچي سميت ھتان جا ماڻھون پيئڻ لاء استعمال ڪن ٿا، جيڪو ڍنڍ جو پاڻي گدلو ٿيندو پيو وڃي، جيڪو عمل ھرگز برداشت نہ ڪيو ويندو، ھنن گھر ڪئي تہ فورن جھمپير شھر جي ڊرينج سسٽم کي بحال ڪري گٽرن جي گندي پاڻي جو نيڪال ڪينجھر ڍنڍ ۾ بند ڪيو وڃي، ٻئي صورت ۾ ڊي سي آفيس مڪلي آڏو سخت احتجاج ڪيو ويندو.