دونوں ممالک کے درمیان تعلقات تیزی سے ترقی کی جانب گامزن ہیں امریکی صدر سے ملاقات کے بعد امن اور خوشحالی کے لیے تاریخی مکالمہ اہم سنگ میل ثابت ہو گا
کراچی (اسٹاف رپورٹر) پاکستانی حکمرانوں کا تاریخی استقبال پاکستان امریکہ دوستی کا نیا باب کھول رہا ہے یہ بات امریکہ پاکستان بزنس ڈیولپمنٹ فورم کے پریذیڈینٹ شیخ امتیاز حسین نے وائٹ ہاوس میں وزیر اعظم پاکستان اور سپاسالار میجر سید عاصم منیر کی امریکی صدر ڈونلڈ ٹرمپ سے ملاقات پر اظہار خیال کرتے ہوئے کہی انہوں نے کہا کہ وائٹ ہاوس میں ہونے والی ایک تاریخی ملاقات کے ذریعے دوطرفہ تعلقات میں نئی اور مضبوط راہیں استوار کیں یہ مکالمہ امن اور خوشحالی کے لیے نئے عزم اور مشترکہ اہداف کی نشاندہی کرتا ہے شیخ امتیاز حسین نے کہا کہ دونوں ممالک کے درمیان تعلقات تیزی سے ترقی کی جانب گامزن ہیں جبکہ پاکستان اور امریکہ تجارت، سرمایہ کاری، ثقافت اور سماجی ترقی کے مختلف شعبوں میں تعاون کومزید بڑھانے کےلئے اقدامات کر رہے ہیں انہوں نے کہا کہ ایک مضبوط اور کثیر جہتی شراکت داری مستقبل میں اقتصادی ترقی، ٹیکنالوجی میں جدت اور عوامی روابط کو فروغ دینے کے وسیع مواقع موجود ہیں اس کے علاوہ علاقائی امن و استحکام کے قیام میں پاکستان کے تعمیری کردار قابل ستائش ہے شیخ امتیاز حسین نے کہا کہ وزیراعظم پاکستان میاں محمد شہباز شریف اسرائیل اور فلسطین کے درمیان مذاکرات کو آگے بڑھانے اور مشرق وسطیٰ میں منصفانہ و دیرپا امن کے قیام کے لیے پاکستان کے مستقل عزم کا اعادہ رکھتے ہیں اس تاریخی ملاقات سے باہمی اعتماد اور مشترکہ اہداف پر مبنی ایسے مستقبل کے دروازے کھلیں گے جو عالمی امن، سلامتی اور خوشحالی کو فروغ دینے میں پاکستان کے کردار کو ایک اہم اور کلیدی شراکت دار کے طور پر تسلیم کرتے ہیں انہوں نے کہا کہ وائٹ ہاوس میں ہونے والی یہ تاریخی ملاقات پاکستان اور امریکہ کے تعلقات کو نئی بلندیوں تک لے جانے کا سنگ میل ثابت ہوگی جس سے نہ صرف دونوں ممالک کے درمیان سیاسی و سفارتی تعاون مضبوط ہوگا بلکہ تجارت، سرمایہ کاری اور تکنیکی تعاون کے نئے دروازے بھی کھلیں گے شیخ امتیاز حسین نے اس عزم کا اظہار کیا کہ امریکہ پاکستان بزنس ڈیولپمنٹ فورم دونوں ممالک کے درمیان پل کا کردار ادا کرتے ہوئے باہمی اعتماد، دیرپا ترقی اور خوشحالی کے نئے مواقع پیدا کرنے کے لیے اپنی خدمات جاری رکھے گا۔
0 تبصرے