قومي عوامي تحريڪ ضلعي مٽياري جو اجلاس, مختلف معاملن تي غور ويچار

پيپلزپارٽي پنهنجي اقتدار کي بچائڻ لاءِ سنڌ جي انچ انچ کي نيلام ڪرڻ چاهي ٿي:مظھر راھوجو

مٽياري : قومي عوامي تحريڪ ضلعي مٽياري جو اجلاس ضلعي صدر ماجد خاصخيلي جي صدارت ۾ قومي عوامي ھائوس مٽياري ٿي گذريو جنهن ۾ قومي عوامي تحريڪ جي مرڪزي جنرل سيڪريٽري مظھر راھوجو۽ ربڏنو ملڪ خصوصي طور شرڪت ڪئي. ان موقعي تي اجلاس کي خطاب ڪندي قومي عوامي تحريڪ جي مرڪزي جنرل سيڪريٽري مظھر راھوجو چيو تہ ڪرپٽ حڪمرانن سنڌ کي شامي غريبا بڻائي ڇڏيو آهي پيپلزپارٽي پنهنجي اقتدار کي بچائڻ لاءِ سنڌ جي انچ انچ کي نيلام ڪرڻ چاهي ٿي. مظھر راھوجو چيو تہ اسان کي اھڙي ترقي نٿي گھرجي جنهن سان سنڌي ماڻهن جي حق حاڪميت ختم ٿي وڃي ڪارپوٽريٽ فارمنگ جي نالي ۾ ھر ضلعي اندر ھزارين ايڪڙ زمين ڌاڙين ماڻهن کي ڏئي سنڌي ماڻهن کي پنهنجي وطن ۾ اقليت م تبديل ڪرڻ جي ڪوشش ڪئي پئي وڃي. مظھر راھوجو چيو تہ نواز ليگ ۽ پيپلزپارٽي کي سنڌي ڏٺي نٿا وڻن سنڌين مان سخت بيزار آهن ھنن جو وس پھچي سنڌي ھجن ائين نہ نواز ليگ ۽ پيپلزپارٽي سنڌ کي ويران حويلي بڻائڻ چاهين ٿا جنهن ۾ ست ڪڙور سنڌي ھجن ائين نہ رڳو زمين، درياھ، ڪوئلو، پيٽرول، گئس سمنڊ ماربل ھجي جنهن کي اسان مالي غنيمت سمجهي لٽيون ڦڙيون پر بدقسمتي سان سنڌي آھن ست ڪڙور تنھن ڪري پيپلزپارٽي ۽ وفاقي حڪومت لوھ ٿي وئي آهي ست ڪڙور سنڌين کي ڪيڏانهن ڪن، انهن لاءِ سازشون ۽ اٽڪلون ڪن پيا. پر ست ڪڙور سنڌي سازشن کي پر امن جدوجهد ذريعي ناڪام بڻائيندو.