ڏيپارجا ۾ سيد ثمر نقوي ۽ سندس ٽيم پاران اکين جي مفت ڪئمپ لڳائي وئي

سيد ثمر نقوي ۽ سندس ٽيم بهترين سماجي ڪم ڪري رهي آهي، سندن ٿورائتا آهيون: ساڃاهه وند

نوشهروفيروز (ڊر) سيد ثمر نقوي ۽ سندس ٽيم پاران ڏيپارجا ۾ مفت اکين جي ڪئمپ لڳائي وئي جنهن ۾ اکين ماهر سرجن ڊاڪٽر غلام حسين تنيو صاحب 300کان وڌيڪ مريضن جو مفت چيڪ اپ ڪيو جڏهن ته ڪئمپ ۾ دوائون ڊراپس ۽ چشما مفت ڏنا ويا۔ان موقعي تي سماجي اڳواڻن اعجاز ممنائي پير امام بخش عابدي محبتي ملاح ذولفقار مولائي چنا منٺار مري پير مرتضيٰ ۽ ٻين چيو ته اڄ علائقي وارن لاء خوشيء جي ڳالهه آهي جو اکين جي بيمارين ۾ ورتل مريضن کي گهر ويٺي ڊاڪٽر ۽ سندن ٽيم چيڪ اپ ڪري رهي آهي علائقي ۾ غربت سبب ماڻهو پنهنجو علاج به نه ٿا ڪرائي سگهن سيد ثمر نقوي ۽ سندس ٽيم بهترين سماجي ڪم ڪري رهي آهي اسان سندس ٿورائتا آهيون جيڪڏهن اهو سلسلو جاري رهيو ته اسانجو غريب عوام سندس لاء دعاگو هوندو ۽ بيمارين کان محفوظ رهندو۔ان موقعي اکين جي ماهر ڊاڪٽر غلام حسين ميڊيا سان ڳالهائيندي چيو ته اکين ۾ ڪيتريون ئي بيماريون آهن جن جي ماڻهن کي خبر ئي ناهي ان لاء بيداري مهم هلائڻ گهرجي ان کان سواء موتئي جو اکين ۾ اچڻ نظر کي ڪمزور ڪندو آهي ان لاء انهن جو وقت سر آپريشن ڪرڻ لازمي آهي۔ هن چيو ته مان رضاڪارانه طور خدمت ڪرڻ لاء تيار آهيان۔ جيڪي دوست سماجي ڪم ڪن ٿا انهن کي اپيل ٿو ڪريان ته او۔پي۔ڊي سان گڏ آپريشن جو به انتظام ڪن جنهن ۾ لينسز لڳائي غريبن کي نور جهڙي نعمت سان نوازي سگهجي ٿو