مورو جي لنجار هاوس ۾ عورتن کي گهرن جي ملڪيت جا سرٽيفڪيٽ ورهايا ويا

گهرو وزير ضياءُ الحسن لنجار جي گهرواري پنهنجي پٽن ۽ ڊي سي نوشهروفيروز سان گڏ سرٽيفڪيٽ ورهايا

نوشهره فيروز (ڊ ر)سنڌ حڪومت جي سنڌ پيپلز هائوسنگ فار فلڊ ايفيڪٽيڊ (ايس پي ايڇ ايف) کاتي پاران 2022 جي ٻوڏ ۽ برساتن کان متاثر ٿيندڙ عورتن کي گهرن جي تعمير کان پوءِ ملڪيت جا سرٽيفڪيٽ ڏيڻ لاءِ لنجار هائوس مورو ۾ هڪ تقريب منعقد ڪئي وئي، جنهن ۾ 146 عورتن کي گهرن جي ملڪيت جا سرٽيفڪيٽ ڏنا ويا.تفصيل موجب، سنڌ حڪومت برساتن ۽ ٻوڏ کان متاثر ٿيندڙ عورتن کي ملڪيت جا حق ڏنا آهن. سنڌ جي گهرو وزير ضياءُ الحسن لنجار جي زال، سندس پٽ حسن ضياء لنجار، علي ضياء لنجار، ڊپٽي ڪمشنر نوشهرو فيروز محمد ارسلان سليم ۽ چيئرمين ضلعي ڪائونسل نوشهره فيروز سهيل اختر عباسي 146 عورتن کي گهر جا سرٽيفڪيٽ ڏنا. ان موقعي تي مقررين چيو ته ذوالفقار علي ڀٽو عوام کي روٽي ڪپڙو ۽ مڪان جو نعرو ڏنو، جنهن تحت سنڌ جي ماڻهن کي گهر ٺاهڻ کان پوءِ انهن جي گهرن جا مالڪي حق ڏنا پيا وڃن. اسان جو نعرو عوامي خدمت آهي. اسان عوامي خدمت تي يقين رکون ٿا ۽ عوام جي خدمت جاري رکنداسين. هن چيو ته اسان کي وڌيڪ ڪجهه ڪرڻو آهي ۽ هي صرف شروعات آهي. تقريب ۾ ايس ايس پي نوشهروفيروز بشير احمد بروهي، چيئرمين ميونسپل ڪميٽي مورو نذير احمد ميمڻ، پاڪستان پيپلز پارٽي اڳواڻ مسرور احمد راجپر، دوست علي سولنگي، محمد خان حاجن جيسر، انفارميشن آفيسر قمر الزمان ڀنڀرو، سافڪو صوبائي سربراهه جئي پرڪاش، ضلعي مئنيجر سافڪو غلام اڪبر کوسو ۽ ٻيا لاڳاپيل عملدار موجود هئا.