ھندو پنچائت شڪارپور جي گڏجاڻي، نئين باڊي لاءِ اليڪشن جو فيصلو، پروفيسر پرڪاش لال اليڪشن ڪمشنر مقرر

views | 29th Jun 2025 • سنڌي خبرون

ھندو پنچائت شڪارپور جي گڏجاڻي، نئين باڊي لاءِ اليڪشن جو فيصلو، پروفيسر پرڪاش لال اليڪشن ڪمشنر مقرر

شڪارپور ( احسان ابڙو ) ھندو پنچائت شڪارپور جي گڏجاڻي ٿي گذري پنچائت جي باڊيءَ کي متفقه طور تي ختم ڪيو ويو نئين باڊيءَ جي اليڪشن ڪرائڻ لاء پروفيسر پرڪاش لال کي اليڪشن ڪمشنر مقرر ڪيو ويو اليڪشن ڪميٽيءَ ۾ چار ٻيا ميمبر بہ چونڊيا ويا تفصيل موجب : پوج ھندو پنچائت شڪارپور جي جنرل باڊيءَ جي گڏجاڻي چترپوج ھال ۾ ڪوٺائي وئي جنھن ۾ عھديدارن کان علاوه 200 جي لڳ ڀڳ ميمبرن پاران شرڪت ڪئي وئي گڏجاڻي ۾ متفقه طور تي اھم فيصلا ڪيا ويا پنچائت جي باڊي عھديدارن پاران پنھنجي ڪارڪردگي رپورٽ پيش ڪئي وئي، جنھن بعد اڪثريت راءِ سان متفقه طور تي پنچائت جي موجوده باڊيءَ کي ختم ڪيو ويو عھديدارن لاء نئين سر اليڪشن ڪرائڻ جو فيصلو ڪيو يو چترپوج ھال ۾ ٿي ھندو پنچائت جي گڏجاڻيءَ ۾ متفقه طور تي ميمبرن جي اڪثريت راء سان پروفيسر پرڪاش لال کي چونڊون ڪرائڻ لاء اليڪشن ڪمشنر چونڊيو ويو اليڪشن ڪميٽيءَ ۾ چار ميمبر ڏنا ويا جن ۾ بسنت لال، تيرٿ داس، گوتم لال، ۽ اشوڪ ڪمار ميمبر طور شامل ڪيو ويو انھي موقعي تي گڏجاڻي کي خطاب ڪندي اليڪشن ڪمشنر پروفيسر پرڪاش لال چيو ته مون مٿان ڀروسو ۽ اعتماد جو جھڙي ريت اعتماد ڪندي ذميواري سونپي وئي آھي مان ڪوشش ڪندس ته غير جانب بڻجي پنچائت جي نئين باڊيءَ لاء مقرر وقت تي چونڊون ڪرائيندس جنھن سلسلي ۾ پروفيسر پرڪاش لال پاران اليڪشن ميمبرن سان صلاح مشوري اليڪشن پروسس کي صاف شفاف بڻائڻ لاء پھرين مرحلي ۾ اجلاس سڏائي ورتو