نوشھرو فيروز جي ڪوٽ چنا ۾ نثار احمد چنا جي صدارت ھيٺ صوبائي ڪابينا جي گڏجاڻي

ميمبر آف سپريم ڪائونسل ڊاڪٽر محمد صفر چنہ،سميت نئين چونڊيل صوبائي ڪابينا جي عھديداران شرڪت ڪئي

نوشھروفيروز (ڊ ر)نوشھرو فيروز جي ڪوٽ چنہ ۾ مرڪزي چيئرمين نثار احمد چنہ جي صدارت ھيٺ صوبائي ڪابينا جي اھم گڏجاڻي ٿي گذري جنھن ۾ ميمبر آف سپريم ڪائونسل ڊاڪٽر محمد صفر چنہ،سميت نئين چونڊيل صوبائي ڪابينا جي عھديداران شرڪت ڪئي۔ نئين چونڊيل صوبائي ڪابينا ۾ صوبائي صدر سائين غلام حسين چنہ ،سينئر نائب صدر رياض حسين چنہ ،نائب صدر نور احمد چنہ، سيڪريٽري جنرل ڄام صداقت علي چنہ، جوائنٽ سيڪريٽري ثناءُالله چنہ، ڊپٽي جنرل سيڪريٽري قربان علي چنہ،فنانس سيڪريٽري آندل خان چنہ،پريس سيڪريٽري راڻاامدادعلي چنہ، آفيس سيڪريٽري نعيم اختر چنہ شرڪت ڪئي۔ مرڪزي چيئرمين پاران نئين چونڊيل صوبائي ڪابينا کي حلف کڻائڻ بعد گلن جو ھار پهرائي اجرڪ اوڍائيندي مبارڪ باد ڏني،ان بعد نئين چونڊيل ڪابينا سان ميٽنگ ڪندي اھم فيصلا ڪيا ويا۔ سپريم ڪائونسل ۽ صوبائي ڪابينا مرڪزي فنانس سيڪريٽري وٽ ھر مهيني ميمبر آف سپريم ڪائونسل 2000 ۽ صوبائي ڪابينا عھديدار 1000 تنظيمي فنڊ ۾ جمع ڪرائيندا، مرڪزي چيئرمين ۽صوبائي صدر پاران گڏيل لائحه عمل تحت سموري سنڌ جو تنظيمي دورو ڪري تنظيم سازي مڪمل ڪئي ويندي،جنھن ۾ مرحليوار سنڌ جي سموري ڊويزنن جي مختلف ضلعن ۽علائقن جو دورو ڪندي اھم گڏجاڻيون ۽ ننڍا وڏا پروگرام منعقد ڪيا ويندا آخر ۾ سپريم ڪائونسل ميمبر ڊاڪٽر محمد صفر چنہ پاران دعاء خير گھري وئي۔