مٺي ۾ پوليس جي شهيدن جو ڏهاڙو ملهايو ويو

ايس ايس پي ٿرپارڪر عادل ميمڻ پاران يادگار شهداءَ تي گل نڇاور

مٺي (رپورٽر) مٺي ۾ يوم شهداء پوليس جي ڏھاڙي جي موقعي تي ايس ايس پي ٿرپارڪر عادل ميمڻ پاران شھيد پوليس اهلڪار محمد صديق اوٺو جي آخري آرمگاهه پهچي گل نڇاور ڪيا. پوليس جي جوانن پاران شھيد اهلڪار کي سلامي پيش ڪئي وئي جنهن بعد ايس ايس پي اهلڪار جي ڳوٺ پهچي سندس فيملي سان ملاقات ڪئي ۽ تحفا پيش ڪيا. جڏھن ته ايس ايس پي آفيس مٺي ۾ شھيدن جي روح کي ثواب پهچائڻ لاءِ قرآن خواني پڻ ڪئي بعد ۾ پوليس لائين ۾ ايس ايس پي جي اڳواڻي ۾ ريلي پڻ ڪڍي وئي جنهن ۾ پوليس عملدارن وڏي انگ ۾ شرڪت ڪئي. انهي موقعي تي ڳالهائيندي ايس ايس پي ٿرپارڪر عادل ميمڻ چيو ته شھيد قوم جو فخر آھن جنهن پنهنجي قوم جي سڪون لاءِ جان جو نظرانو پيش ڪيو پوليس جي شھيدن جي هڪ تاريخ آھي اسان پنهنجي پوليس هيروز کي ڪڏهن به وساري نٿا سگهون هن چيو ته اسان پوليس جي شھيد صديق اوٺو کي سلام پيش ڪيون ٿا جنهن پنهنجي جان جو نظرانو ڏنو ۽ پوليس جي وقار کي بلند رکيو.