نوشهروفيروز ضلعي ۾ وڌندڙ بدامني تي جمعيت علما اسلام جي صدارت هيٺ آل پارٽيز ڪانفرنس منعقد

ضلعي اندر بدامني ڏينهون ڏينهن وڌي رهي آهي، پوليس ناڪام ٿي چڪي آهي: مولانا عبدالرحمن ڏنگراچ

نوشهروفيروز(ڊ ر)نوشهروفيروز ضلعي ۾ وڌندڙ بدامني تي آل پارٽيز ڪانفرنس ڪوٺائي وئي جنھن جي ميزباني جمعيت علما۽ اسلام ضلع نوشهرو فيروز جي طرفان ڪئي وئي آهي منقعد ٿيل ڪانفرنس ۾ شهيد ڀٽو، جسم، دڪاندارن ايسوسيئيشن، تاجر برادري ،شهرين ، ايس يو پي ،اهل حديث، پي ٽي آء پڻ شرڪت ڪئي جنهن جي صدارت جميعت جي ضلعي امير مولانا عبدالرحمن ڏنگراچ ڪئي ڪانفرنس ۾ مختلف سياسي سماجي تنظيمن ۽ ڪاروباري ماڻهن کي مولانا عبدالرحمن ڏنگراچ خطاب ڪندي چيو ته ضلعي اندر بدامني ڏينهون ڏينهن وڌي رهي آهي جنهن تي ڪنٽرول ڪرڻ پوليس جي وس جي ڳالهه ناهي ڇو ته گذريل ڪيتري ئي عرصي کان پوري ضلعي ۾ امن امان جي صورتحال انتهائي خراب ٿي چڪي پر پوليس بيوس بڻيل آهي هن چيو ته گذريل ٽن مهينن ۾ ٽي ايس ايس پي بدلي ٿي چڪا آهن پر پوءِ به امن قائم ناهي ٿي سگهيو جنهن ڪري هر ماڻهو پريشان حال زندگي گذارڻ تي مجبور آهي ڏوهاري قانون کي هٿ کنيو ويٺا آهن پر قانون لاڳو ڪندڙ ادارن ڪارروائي ڪرڻ لاءِ تيار نه آهن پوليس کي خبر آهي ته ڏوهاري ڪاٿي آهن جن جون لسٽون ايس ايس پي وٽ موجود آهن هن وڌيڪ چيو ته وڌندڙ بدامني پي پي حڪومت جي ناڪامي جو واضع دليل آهن زرداري مافيا کي پنهنجو اقتدار بچائڻ کانسوا۽ غريب مسڪينن جي جان و مال جي تحفظ جي ڪا ب پرواه ناهي عوام جيئي يا مري فقط هنن جو اقتدار محفوظ هجي پوليس مان سياسي مداخلت ختم ڪري انتقامي ڪاروايون ختم ڪيون وڃن هنن چتاءُ ڏنو ته جيڪڏهن ضلعي اندر امن امان بحال نٿو ڪيو وڃي ت جمعيت علما۽ اسلام جلد ئي هڪ عوامي تحريڪ شروع ڪندي.