ايس ٽي پي ٺٽو جي ضلعي ڪائونسل جو اجلاس هوت خان گاڏهي جي صدارت هيٺ ٿيو، مختلف معاملن تي غور ويچار

مجموعي تنظيمي ۽ سياسي صورتحال جو جائزو ورتو ويو

ٺٽو( محمد شفيق ڀٽي) سنڌ ترقي پسند پارٽي ضلع ٺٽو جو ضلع ڪائونسل جو اجلاس پارٽي جي جنرل سيڪريٽري هوت خان گاڏهي جي صدارت ۾ ٿي گذريو اجلاس ۾ ضلع، تعلقي ۽ يونين ڪائونسل جي اڳواڻن شرڪت ڪئي اجلاس ۽ ضلع جي مجموعي تنظيمي ۽ سياسي صورتحال جو جائزو ورتو ويو ۽ مختلف فيصلا ڪيا ويا. اجلاس کي خطاب ڪندي سنڌ ترقي پسند پارٽي جي جنرل سيڪريٽري هوت خان گاڏهي چيو ته سنڌ هن وقت انتهائي مشڪل دور مان گذري رهي آهي. سنڌو درياءِ جي پاڻي تي ڌاڙو ۽ ڪارپوريٽ فارمنگ جي نالي زمينن تي ولار سميت معدني وسيلن تي قبضن جي رٿابندي ڪئي پئي وڃي. هنن سمورن سنڌ دشمن منصوبن ۾ پ پ پ مڪمل طور شريڪ رهي آهي. سنڌ ۾ پ پ پ جاگيرداري ۽ سرداري نظام کي وڌيڪ مضبوط ڪيو آهي. ايس ٽي پي هن سماج اندر پورهيت طبقي جو راڄ چاهي ٿي جنهن جي لاءِ ايس ٽي پي سنڌ جي عوام کي منظم ڪري رهي آهي. اجلاس ۾ سنڌ ترقي پسند پارٽي جي مرڪزي ڊپٽي جنرل سيڪريٽري ڊاڪٽر عبدالحميد ميمڻ ، امتياز سمون ، ڊاڪٽر سومار مڱريو ، جلال شاھ، ناٿو بروهي ، جميل سمون ، حڪيم بروھي، راجو قريشي ، عمر ناھيو، حيدر شورو ۽ ٻين پڻ شرڪت ڪئي.