جهرڪ ويجهو ڇتي ڪتي 25 ڍورن کي ڏاڙهي ڇڏيو, ويڪسين لاءِ مالوند پريشان

ڳوٺ محب کوسو ۾ ڇتي ڪتي ڍڳين ۽ مينهن کي ڏاڙهي ڇڏيو

ٺٽو(ڊر) جهرڪ ويجهو يوسي اونگر جي ڳوٺ محب کوسو ۾ ڇتي ڪُتي 25 ڍورن کي ڏاڙھي زخمي ڪري وڌو، ويڪسين نه ٿيڻ سبب مالوند ماڻھون سخت پريشان، جن فورن زخمي جانورن کي ويڪسين ڪرائي نقصان کان بچائڻ جي گھر ڪري ڇڏي اھي، تفصيل موجب يوسي اونگر جي ٻولهاڙي لڳ ڳوٺ محب کوسو ۾ اوچتو ڇتو ڪتو مقامي ڀاڳين جي چوپائي مال ۾ ڪاهي پيو، ڇتي ڪُتي مقامي ڀاڳين جي 25 کان مٿي جانورن کي ڏاڙھي وڌو، جن ۾ ڳئون، مينهون ۽ انھن جا ڦَر شامل آھن. ان سلسلي ۾ رابطو ڪرڻ تي ڀاڳئين ٻڌايو تہ ھنن ٺٽي توڙي حيدرآباد جي لائيو اسٽاڪ کاتي جي عملدارن سان رابطو ڪيو آھي، پر اڃا تائين ڪابه ويڪسين جي ٽيم ناھي پهتي، ھنن چيو تہ پرائيويٽ اسٽورن تان به ڇتي ڪتي کان بچاءُ لاء گهربل ويڪسين ميسر ناھي، جنھن ڪري ھو سخت پريشان آھن، متاثر ڀاڳئين پاران لائيو اسٽاڪ کاتي جي اعلي اختيارين کي اپيل ڪئي ويئي اھي تہ ھو فوري طور تي وٽرنري ڊاڪٽرن جون ٽيمون اماڻي ڇتي ڪتي جي ڏاڙھي زخمي ڪيل جانورن کي ويڪسين ڪرائي کين وڌيڪ نقصان ۽ پريشاني کان بچائين.