ڏوڪري ۾ کنڊ مهانگي اگھ تي وڪرو ڪندڙن دڪاندارن خلاف ڪارروائي، ٻن دڪاندارن تي ڏنڊ

130 views | 29th Jul 2025 • سنڌي خبرون

کنڊ ۽ ٻيون شيون مهانگي اگهه تي وڪرو ڪندڙن خلاف ڪارروائيون ڪيون وينديون: اسسٽنٽ ڪمشنر فرزانه ميراڻي

ڏوڪري ۾ کنڊ مهانگي اگھ تي وڪرو ڪندڙن دڪاندارن خلاف ڪارروائي، ٻن دڪاندارن تي ڏنڊ

ڏوڪري (رپورٽر) ڏوڪري ۾ کنڊ مهانگي اگھ تي وڪرو ڪندڙن دوڪاندارن خلاف اسسٽنٽ ڪمشنر ڏوڪري فرزانا ميراڻي ۽ اسسٽنٽ مختيارڪار ڪامران ضمير منگي جي اڳواڻي ۾ ڇاپا هنيا ويا. ان موقعي تي سرڪاري ريٽ 173 بجاءِ 185 روپين تي مھانگي اگھ ۾ کنڊ وڪرو ڪندڙ ٻن دوڪاندارن نويد چنو ۽ عرس سومرو مٿان 10-10 ھزار روپيا ڏنڊ ھنيو ويو، جڏھن ته سمورن دوڪاندارن کي وارننگ پڻ جاري ڪئي وئي. ان موقعي تي صحافين سان ڳالهائيندي اسسٽنٽ ڪمشنر ڏوڪري فرزانه ميراڻي چيو ته سنڌ حڪومت طرفان مقرر ڪيل ريٽ کان وڌيڪ اگھ تي کنڊ ۽ ٻيون ضرورت جون شيون مهانگيون وڪرو ڪندڙ دوڪاندارن ۽ واپارين خلاف ھر صورت ۾ ڪارروائي ڪئي ويندي.