ڪنري ۾ ٿرڪول ڊيم نبي سر ٿر ۾ مقامي ماڻهن کي نوڪريون نه ملڻ خلاف ريلي ۽ ڌرڻو

64 views | 23rd Jul 2025 • سنڌي خبرون

جسقم پاران امتياز چانڊيو ۽ ٻين جي اڳواڻي ۾ ريلي ڪڍي اي سي آفيس آڏو ڌرڻو هنيو ويو، نعريبازي

ڪنري ۾ ٿرڪول ڊيم نبي سر ٿر ۾ مقامي ماڻهن کي نوڪريون نه ملڻ خلاف ريلي ۽ ڌرڻو

عمرڪوٽ (ڊ ر)ٿرڪول ڊيم نبي سر ٿر ۾ مقامي ماڻهن سان زيادتين ۽ نوڪريون نه ملڻ خلاف جسقم طرفان ڪنري ۾ احتجاجي ريلي ڪڊي سي آفيس اڳيان ڌرڻو هڻي نعريبازي ڪئي وئي اڳواڻن امتياز چانڊيو، سرائي غلام نبي خاصخيلي ۽ ٻين چيو ته 14 جولائي تي جيئي سنڌ محاذ جي چيئرمين رياض چانڊيو جي اڳواڻي ۾ هنيل ڌرڻي دوران انتظاميه اسان جا مطالبا تسليم ڪرڻ جي خاطري ڪرائي وئي پر هاڻي ان تي ڪو عمل نه پيو ٿئي اي سي ڪنري ۽ ٻيا عملدار رڳو آسرا ڏيڻ ۾ پورا آهن ابتو ڊيم وارا مقامي ماڻهن کي ڀرتي ڪرڻ بدران جيڪي اڳ ۾ ڪم ڪندڙن مختلف بهانن سان برطرف ڪن پيا هنن گهر ڪئي ته مقامي ماڻهن کي ڊيم ۾ ڀرتي ڪري زيادتيون بند ڪيون وڃن ٻئي صورت ۾ سڄي سنڌ ۾ احتجاجي تحريڪ هلائي ويندي، هوڏانهن اي سي ڪنري محمد خان ڀنگوار جو چوڻ آهي ته اسان هنن کي چيو ته اوهان ايپليڪيشن ڏيو اهو آئون اعلي اختيارين کي اماڻيندس جيڪو آئون موڪلي چڪو آهيان، باقي ڊيم ۾ نوڪريون ڏيڻ منهنجي وس ۾ ناهي منهنجو جيڪو ڪم آهي اهو مون ڪري ڇڏيو آهي،