مالی سال کے وفاقی بجٹ میں تنخواہ دار طبقے کے لیے ریلیف کا فیصلہ

اسلام آباد (ویب ڈیسک) – مالی سال 2025-26 کے وفاقی بجٹ میں تنخواہ دار طبقے کو ریلیف دینے کا فیصلہ کیا گیا ہے۔ بجٹ تقریر کے مطابق، سالانہ 6 لاکھ سے 12 لاکھ روپے آمدنی رکھنے والے افراد کے لیے انکم ٹیکس کی شرح 5 فیصد سے کم کر کے صرف 1 فیصد کرنے کی تجویز دی گئی ہے۔ اسی طرح 12 لاکھ سالانہ آمدنی والوں کے لیے قابلِ ادا ٹیکس کی رقم 30 ہزار روپے سے کم کر کے 6 ہزار روپے کرنے کی تجویز دی گئی ہے۔ وہ افراد جن کی سالانہ تنخواہ 22 لاکھ روپے تک ہے، ان کے لیے کم از کم ٹیکس کی شرح 15 فیصد کے بجائے 11 فیصد کرنے کی تجویز شامل ہے۔ جبکہ 22 لاکھ سے 32 لاکھ روپے سالانہ آمدنی رکھنے والے تنخواہ دار افراد کے لیے انکم ٹیکس کی شرح 25 فیصد سے کم کر کے 23 فیصد کرنے کی تجویز دی گئی ہے۔