روھڙي: ڇوهارا مارڪيٽ ۾ هٿياربندن هٿان نوجوان قتل
اطلاع تي پوليس پهچي لاش تعلقي اسپتال منتقل ڪري ڇڏيو، مقتول جي محمد ادريس جنگو مهر طور سڃاڻپ
روھڙي(رپورٽر) روھڙي ڇوهارا مارڪيٽ ۾ نامعلوم هٿياربندن فائرنگ ڪري نوجوان شخص کي قتل ڪري ڇڏيو آهي، روھڙي پوليس واقعي واري هنڌ پهچي لاش کڻائي روھڙي تعلقا اسپتال پهچايو جتان پوسٽ مارٽم بعد مڙھ وارثن حوالي ڪيو ويو ان سلسلي ۾ روھڙي ٿاڻي جي وڏي منشي رميش ڪمار ٻڌايو تہ قتل ٿي ويل نوجوان جي سڃاڻپ محمد ادريس جنگو مهر پٽ ميلائو مهر طور ٿي آهي جيڪو پنوعاقل جي علائقي رضا ڳوٺ بکو مهر جو رهواسي آهي تاڙ ۾ بيٺل نامعلوم هٿياربندن کيس سڌيون گوليون هڻي قتل ڪري فرار ٿي ويا آهن نوجوان جي جسم تي يارنهن گوليون لڳل آهن قتل جو ڪارڻ اڃان تائين معلوم ناهي ٿي سگهيو پوليس جاچ ڪري رهي آهي مقتول جي قاتلن کي جلد گرفتار ڪيو ويندو ٻي پاسي مقتول جي وارثن پاران بہ ڪو موقف سامهون ناهي اچي سگهيو