موھن جو دڙو ڀرسان ڏيڍ مھينو اڳ مبينا قتل ٿيل عورت جي وارثن جو احتجاجي مظاھرو

موهن جو دڙو(رپورٽر)موهن جو دڙو ڀرسان ڳوٺ سونهري ۾ ڏيڍ مهينو اڳ جوابدارن مبينا گهٽا ڏئي قتل ڪيل 2 ٻارن جي ماءُ بيگم زال مبارڪ جوڻيجو جي جوابدارن جي گرفتاري لاءِ وارثن پاران عورتن ۽ معصوم ٻارڙن سان گڏجي احتجاجي مظاهرو ڪيو. مڙس مبارڪ جوڻيجو ڀاء فاروق ماڇي امڙ ذليخان خاتون ۽ ٻين جي اڳواڻي ۾ جوابدارن جي گرفتاري لاءِ احتجاجي مظاهرو ڪيو ويو. ان موقعي تي وارثن ميڊيا کي ٻڌايو تہ ظالمن اسان جي عورت کي بيگناھ قتل ڪري وڏو ظلم ڪيو آهي. هنن چيو ته جوابدار ڪيس تان هٿ کڻڻ لاء موتمار ڌمڪيون ڏئي رهيا آھن،جڏھن ته پوليس جوابدارن کي هن محل تائين گرفتار نہ ڪيو آھي.هنن چيو ته ڊي ايس پي ۽ ايس ايڇ او ڏوڪري جوابدارن سان ٻٽ بڻيل آھي،جنھن ڪري پوليس جوابدارن کي گرفتار نہ پئي ڪري. هنن وس وارن کان انصاف جي گهر ڪئي آهي