ٹرمپ کی تہران خالی کرنے کی وارننگ کے بعد بھارت کا بھی بڑا بیان سامنے آ گیا

نئی دہلی (ویب ڈیسک) ایران اور اسرائیل کے درمیان جاری کشیدہ صورتحال کے پیشِ نظر بھارت نے نئی ایڈوائزری جاری کرتے ہوئے تہران میں موجود اپنے شہریوں کو ہدایت کی ہے کہ وہ فوری طور پر شہر چھوڑ کر کسی محفوظ مقام پر منتقل ہو جائیں۔ یاد رہے کہ اس سے قبل جنوبی کوریا بھی ایران کے تمام علاقوں میں مقیم اپنے شہریوں کو ملک چھوڑنے کی ہدایت جاری کر چکا ہے۔ اس کے علاوہ آج ہی امریکی صدر ڈونلڈ ٹرمپ نے بھی ایک پیغام جاری کرتے ہوئے تہران میں مقیم افراد کو فوری طور پر شہر خالی کرنے کی تنبیہ کی ہے۔