لالي ووڊ کے سینئر اداکار عاصم بخاری انتقال کر گئے

کراچی: ٹی وی، اسٹیج ڈراموں اور فلموں میں اداکاری کے جوہر دکھانے والے سینئر اداکار عاصم بخاری انتقال کر گئے۔ خاندانی ذرائع نے سینئر اداکار کی وفات کی تصدیق کی اور بتایا کہ عاصم بخاری گزشتہ رات کومے میں چلے گئے تھے۔ خاندانی ذرائع کے مطابق 76 سالہ اداکار طویل عرصے سے گردن اور دل کی بیماریوں میں مبتلا تھے اور پچھلے 15 دن سے اسپتال میں زیر علاج تھے۔ عاصم بخاری نے ٹی وی، اسٹیج ڈراموں اور فلموں میں کام کیا اور انہیں ملک کے بہترین اداکاروں میں شمار کیا جاتا تھا۔ شوبز انڈسٹری سے وابستہ کئی شخصیات نے عاصم بخاری کے انتقال پر گہرا دکھ اور افسوس کا اظہار کیا ہے۔