اي ڊي سي حيدرآباد مھوش اعجاز جي صدارت ھيٺ اجلاس

حيدرآباد (بيورو) ڊپٽي ڪمشنر حيدرآباد طارق قريشي جي هدايت تي ايڊيشنل ڊپٽي ڪمشنر حيدرآباد مهوش اعجاز جي صدارت هيٺ نان جي قيمت مقرر ڪرڻ جي حوالي سان هڪ اجلاس سندس آفيس ۾ منعقد ٿيو _ اجلاس ۾ 120 گرام نان جي قيمت 18 رپيا في نان مقرر ڪرڻ جو فيصلو ڪيو ويو جڏهن ته 100 گرام تندوري روٽي جي قيمت 15 رپيا هوندي_ايڊيشنل ڊپٽي ڪمشنر حيدرآباد جي مطابق جيئن ته مارڪيٽ ۾ ڪڻڪ جي قيمت گهٽ ٿي آهي ان ڪري چاهيون ٿا ته عوام کي پڻ ان جو سڌو سئنون فائدو پهچايو وڃي _ هن چيو ته نوٽيفڪيشن جاري ڪري سرڪاري قيتمن تي عملدرآمد ڪرايو ويندو _ اجلاس ۾ واسطيدار عملدارن سميت نان ڀائيون جي تنظيم جي نمائندن شرڪت ڪئي